اسد عمر نے کہا ہے کہ مہنگائی نے عوام کی کمر توڑ دی ہے۔

تفصیلات کے مطابق پاکستان تحریک انصاف کے رہنما اسد عمر نے بول نیوز سے خصوصی گفتگو کرتے ہوئے کہا کہ جب تک پاکستان کی عوام تکلیف میں ہیں پاکستان تحریک انصاف سڑکوں پر رہے گی۔

اسد عمر نے کہا کہ جب تک عمران خان کو الیکشن کروانے کا فیصلہ نہیں دیا جاتا احتجاج نہیں رکے گا۔

پاکستان تحریک انصاف کے رہنما اسد عمرنے مزید کہا کہ مہنگائی نے عوام کی کمر توڑ دی ہے، عمران خان قوم کی آواز ہیں، پاکستان تحریک انصاف اقتدار میں آئی تو بدترین خسارہ ملا لیکن مہنگائی کنٹرول رکھتے ہوئے ملک چلایا۔

دوسری جانب اس سے قبل مرکزی سیکرٹری جنرل پاکستان تحریک انصاف اسد عمر نے سماجی رابطے کی ویب سائٹ ٹویٹر پر اپنے پیغام میں کہا کہ ‏مراد سعید منطق، دلیل اور جذبہ سے پاکستان کا مقدمہ لڑنے والا نوجوان ہے۔

 اسد عمر نے کہا کہ مراد سعید ملک کے لئے ایک اثاثہ ہے، امید ہے صدر صاحب ہدایات جاری کریں گے کے مراد نے جن خطرات کی اپنے خط میں نشاندہی کی ہے، ان کا تدارک کرنے کے لئے ہر ممکن اقدامات کئے جائیں گے۔

مراد سعید منطق، دلیل اور جذبہ سے پاکستان کا مقدمہ لڑنے والا نوجوان ہے، اور ملک کے لئے ایک اثاثہ ہے. امید ہے صدر صاحب ہدایات جاری کریں گے کے مراد نے جن خطرات کی اپنے خط میں نشاندہی کی ہے ان کا تدارک کرنے کے لئے ہر ممکن اقدامات کئے جائیں گے

— Asad Umar (@Asad_Umar) December 13, 2022