عمر ایوب خان نے کہا ہے کہ امپورٹڈ حکومت، عدلیہ اور سیکورٹی ادارے کو انسانیت کا احساس کرنا چاہیے۔

تفصیلات کے مطابق رہنما پی ٹی آئی عمر ایوب خان نے سماجی رابطے کی ویب سائٹ ٹویٹرپر اپنے ایک پیغام میں کہا کہ الحمدللہ، سینیٹر اعظم خان سواتی صاحب کو رہا کر دیا گیا، اعظیم سواتی نے وہ برداشت کیا جو کسی کو برداشت نہیں کرنا چاہیے تھا۔

 رہنما پی ٹی آئی عمر ایوب خان نے مزید کہا کہ اعظیم سواتی کو تشدد کا نشانہ بنایا گیا اور اس کے خاندان کو ذہنی اذیت کا نشانہ بنایا گیا، امپورٹڈ حکومت، عدلیہ اور سیکورٹی ادارے کو انسانیت کا احساس کرنا چاہیے۔

Alhumdolillah. Senator Azam Khan Swati Sb has been released. He endured what nobody should have had to endure. He has been tortured, victimized and his family subjected to mental torture. The Imported govt, judiciary and security institutions shld do some serious soul searching.

Advertisement

— Omar Ayub Khan (@OmarAyubKhan) January 3, 2023

واضح رہے کہ تحریکِ انصاف کے سینئررہنما سینیٹراعظم سواتی کو سی آئی اے سینٹر سے رہا کردیا گیا ہے۔

سینیٹر اعظم سواتی کی رہائی کے لیے لیگل ٹیم سی آئی اے پہنچی، لیگل ٹیم روبکار لے کر تھانہ سی آئی اے پہنچی۔

لیگل ٹیم روبکار متعلقہ تفتیشی افسر کو وصول کروائے گئے، کاغذی کارروائی مکمل ہونے کے بعد اعظم سواتی کو رہا کیا گیا۔

سینئررہنما اعظم سواتی کی رہائی کے موقع پر تھانہ سی آئی اے کے باہر پی ٹی آئی کارکنان کی بڑی تعداد موجود تھی۔

اعظم سواتی کی میڈیا سے گفتگو

رہائی کے بعد سینیٹراعظم سواتی نے میڈیا کے نمائندوں سے گفتگو کرتے ہوئے کہا کہ میں سب کا تہہ دل سے شکریہ ادا کرتا ہوں، پاک افواج سے متعلق میں وہی کہتا ہوں جو میرا لیڈر کہتا ہے۔

اعظم سواتی نے کہا کہ رجیم چینج سے متعلق میرے کپتان نے بھی کہا تھا فوج بھی میری ملک بھی میرا ہے۔ ان لوگوں نے میرے اوپر ایف آئی آر کی انہوں نے ملک کے ہرادارے کو ختم کردیا ہے۔

انہوں نے کہا کہ جسٹس عامرفاروق کے فیصلوں پراپنے کپتان سے ملنے کے بعد بات کرونگا۔ اس ملک کو بچانے کے لیے ضروری ہے عمران خان کاساتھ دیں۔ میں پی ٹی آئی قائدین سے کہتا ہوں جلسے جلوسوں سے نکلیں۔

اعظم سواتی کا کہنا تھا کہ آج کل چند اشخاص کی حکومت ہے جو وہ کہتے ہیں بس وہی ہوتا ہے۔ ویڈیوز بنانے والے بھیجنے والے مجرم ہیں۔ لوگوں کو بلیک میل کرنے والوں تمہاری ماں بہن بیٹیاں ہیں۔

رہائی کے احکامات

اسپیشل جج سنٹرل اسلام آباد میں سینیٹراعظم سواتی کی جانب سے متنازع ٹوئیٹ کے معاملے میں اعظم سواتی کے صاحبزادے ایڈوکیٹ عثمان سواتی اور ایڈوکیٹ سہیل خان سواتی عدالت کے روبرو پیش ہوئے۔

اعظم سواتی کے وکلا کی جانب سے اسلام آباد ہائی کورٹ کا آڈر پیش کیا گیا اور عدالت سے کہا گیا کہ ضماتی مچلکے نقد کی صورت میں جمع کروانا چاہتے ہیں۔

عدالت نے ضمانتی مچلکے نقد میں جمع کروانے کی استدعا منظور کرلی اور استفسار کیا کہ آڈر آج ملا ہے؟ جس پر سہیل سواتی نے کہا کہ تحریری آڈر آج ملا ہے، عدالت نے دو لاکھ کے مچلکوں کا حکم دیا تھا۔

وکیل اعظم سواتی نے کہا کہ اعظم سواتی کیس میں انٹرنل پروسیجرکو فالو نہیں کیا گیا جس کے بعد عدالت نے انٹرنل پروسیجر سے متعلق ایس او پیز 2020 فراہم کرنے کی ہدایت کردی۔