سابق وزیراعظم عمران خان نے اراکین اسمبلی کو الیکشن کی تیاری کی ہدایت کرتے ہوئے کہا کہ ہم فوری طور پر اسمبلی توڑ کر الیکشن میں جائیں گے۔ 

تفصیلات کے مطابق پنجاب اسمبلی میں پاکستان تحریک انصاف کے ڈویژنل کوارڈینیٹرز، چیف وہپ ، پارلیمانی لیڈر نے چیئرمین پی ٹی آئی عمران خان سے ملاقات کی۔

پنجاب اسمبلی میں شاندار کامیابی پر سابق وزیراعظم عمران خان نے پوری ٹیم کو شاباش دیتے ہوئے کہا کہ ہماری ٹیم نے کل امپورٹڈ ٹولے کو تاریخی سرپرائز دیا، ہماری ساری ٹیم شاباش کی مستحق ہے۔

یہ بھی پڑھیں؛ پنجاب اسمبلی فوری تحلیل کی جائے، پی ٹی آئی مرکزی قیادت کی رائے

عمران خان کا کہنا تھا کہ جس طرح ہمارے اراکین اسمبلی نے کروڑوں کی آفرز اور دھمکیوں کو بالائے طاق رکھ کر ووٹ ڈالا وہ قابل تحسین ہے، کل بھی کہا تھا کہ “ریڈ لائن” صرف اللہ تعالی کی ذات اور عوام ہی لگاتی اور ہٹاتی ہے۔

پنجاب اسمبلی میں پاکستان تحریک انصاف کے ڈویژنل کوارڈینیٹرز، چیف وہپ ، پارلیمانی لیڈر کی چئیرمین تحریک انصاف عمران خان سے میٹنگ

پنجاب اسمبلی میں شاندار کامیابی پر چئیرمین عمران خان کی پوری ٹیم کو شاباش

ہماری ٹیم نے کل امپورٹڈ ٹولے کو تاریخی سرپرائز دیا – عمران خان 1/n pic.twitter.com/MqkBTQVeI3

— PTI (@PTIofficial) January 12, 2023

سابق وزیراعظم عمران خان نے اراکین اسمبلی کو الیکشن کی تیاری کی ہدایت کرتے ہوئے کہا کہ ہم فوری طور پر اسمبلی توڑ کر الیکشن میں جائیں گے، ملک میں جاری بحرانوں کا حل ایک مضبوط حکومت ہے جو عوامی مینڈیٹ سے آئے۔