قطر میں ہونے والے فیفا ورلڈ کپ میں ارجنٹائن کو ٹائٹل دلانے کے بعد لیونل میسی نے کلب کے لیے پہلا میچ کھیلا۔
غیر ملکی خبر رساں ادارے کی خبر کے مطابق ارجنٹائن کے اسٹار فٹ بالر لیونل میسی نے ورلڈ کپ کے بعد فرانسیسی لیگ میں پیرس سینٹ جرمین کی جانب سے پہلا کلب میچ کھیلا۔
پیرس سینٹ جرمین اور اینجرز کے مابین ہونے والے اس میچ میں پی ایس جی نے اینجرز کو 2-0 سے شکست دی، لیونل میسی نے ایک گول کیا۔
یہ بھی پڑھیں : لیونل میسی کی ٹرافی کے ساتھ سونے کی تصاویر وائرل
قطر میں فرانس کے خلاف فائنل کے تقریباً چار ہفتے بعد لیونل میسی کو اپنا اصل کھیل دکھانے کے لیے اینجر کے خلاف میدان میں اترے تو شائقین نے تالیاں بجا کر ان کا خیر مقدم کیا۔
میچ کے 72 ویں منٹ میں بھی لیونل میسی نے گیند کو گول پوسٹ کی راہ دکھا دی، مگر اس گول کو آف سائیڈ ہونے کی وجہ سے مسترد کر دیا گیا جسے بعد میں ویڈیو جائرے کے بعد گول میں تبدیل کر دیا گیا۔
پیرس سینٹ جرمین کی جانب سے لیونل میسی کا یہ رواں سیزن کا 8 واں لیگ گول ہے۔
اس میچ میں پی ایس جی کے کھلاڑیوں نے پیلے کے چہرے والی ٹی شرٹس پہن رکھی تھی جو ریکارڈ تین ورلڈ کپ جیتنے والے برازیل کے عظیم کھلاڑی کے طور پر دسمبر کے آخر میں 82 سال کی عمر میں انتقال کر گئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News