کراچی میں مصطفیٰ کمال اورسابق وزیراعظم شاہد خاقان عباسی کی ملاقات ہوئی، جہاں دونوں رہنماؤں کے درمیان دلچسپ جملوں کا تبادلہ ہوا۔
تفصیلات کے مطابق کراچی کی احتساب عدالت میں پیشی پرعدالت کے باہرسابق وزیراعظم شاہد خاقان عباسی اور ایم کیو ایم پاکستان کے رہنما مصطفیٰ کمال کے درمیان ملاقات ہوئی جہاں دونوں رہنماؤں کے درمیان دلچسپ جملوں کا تبادلہ ہوا۔
مصطفیٰ کمال نے شاہد خاقان عباسی سے مکالمہ کرتے ہوئے کہا کہ آپ کو دیکھ کر تھوڑی بہت امید ہوتی ہے، جس پر شاہد خاقان عباسی نے پوچھا کہ آپ پر کون سا کیس ہے؟
مصطفٰی کمال نے جواب دیا کہ میرے اوپر ایسا کیس ہے جیسے بندہ قتل کر دیا اور وہ سامنے گھوم رہا ہو۔
شاہد خاقان عباسی نے کہا کہ سارے کیس ہی ایسے ہیں، میں تو حیران ہوگیا، آج سابق آئی جی سندھ اور چیف سیکرٹری بھی ملے۔ اوپنلی جو کرپٹ ہو وہ یہاں نظر نہیں آتے۔ جن لوگوں نے کام کیے وہ در بدر گھوم رہے ہیں۔
رہنما ایم کیو ایم پاکستان مصطفٰی کمال نے کہا کہ آپ سے مل کر خوشی ہوئی میں آپ کو بہت دیکھتا ہوں۔
دونوں رہنماؤں کے درمیان ملاقات کے دوران ایک صحافی نے کہا کہ یہ آپ کو وزیراعظم بننے کی دعا دے رہے ہیں جس پر مصطفٰی کمال نے جواب دیا کہ یہ وزیراعظم بننے کے مستحق ہیں۔
شاہد خاقان عباسی نے کہا کہ یہ لوگ وزیرِ اعظم کا عہدہ لے کر پھریں گے کوئی آئے گا نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News