سفارتی ذرائع کا کہنا ہے کہ سابق صدر پرویز مشرف کی میت کو پاکستان لانے کے لئے متحدہ عرب امارات نے اپنا طیارہ حوالے کردیا۔
تفصیلات کے مطابق سفارتی ذرائع کا کہنا ہے کہ سابق صدر جنرل ریٹائرڈ پرویز مشرف کی میت پاکستان منتقلی کے لیے پاکستانی سفارتی حکام اور اماراتی حکام کا رابطہ ہوا ہے۔
دبئی میں گزشتہ روز انتقال کر جانے والے سابق صدر جنرل ریٹائرڈ پرویز مشرف کی میت دبئی کے مقامی اسپتال کے مردہ خانے میں رکھی گئی ہے۔ سابق صدر پرویز مشرف کی میت کو پاکستان لانے کے لئے متحدہ عرب امارات نے اپنا طیارہ حوالے کردیا۔
ذرائع کا کہنا ہے کہ پاکستان میں جہاز کی لینڈنگ کی این او سی ملنے کے بعد میت کو پاکستان روانہ کردیا جائے گا۔ میت کو کراچی لایا جائے گا۔
سفارتی ذرائع کے مطابق طیارہ دبئی کے المختوم ائرپورٹ سے سابق صدر جنرل ریٹائرڈ پرویز مشرف کی میت اور اہل خانہ کو لے کر کراچی روانہ ہوگا۔ دبئی کے المختوم ائرپورٹ سے طیارہ دبئی کے وقت کے مطابق شام 7 بجے کراچی کے لئے روانہ ہوگا۔
سفارتی ذرائع نے مذید بتایا کہ طیارے میں پرویز مشرف کی بیوہ صہبا، بچے اور قریبی اہلِ خانہ بھی ہوں گے۔ طیارہ آج شام کراچی پہنچے گا۔
واضح رہے کہ سابق صدر اور آرمی چیف جنرل ریٹائرڈ پرویز مشرف اتوار کی صبح دبئی میں انتقال کرگئے تھے، ان کی عمر 79 برس تھی۔
پرویز مشرف اعضاء کی خرابی کی بیماری (ایمیلوئیڈوسس) میں مبتلا اور 18 مارچ 2016ء سے دبئی کے امریکی اسپتال میں زیرِ علاج تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News