پاکستان سے تعلق رکھنے والے معروف بین الاقوامی کرکٹ امپائر علیم ڈار ایلیٹ پینل سے مستعفیٰ ہو گئے۔

تفصیلات کے مطابق پاکستان کے معروف امپائر علیم ڈار انٹرنیشنل کرکٹ کونسل کے ایلیٹ پینل سے مستعفیٰ ہو گئے ہیں۔

مستعفیٰ ہونے والے امپائر علیم ڈار کی جگہ پاکستان کے  احسن رضا آئی سی سی ایلیٹ امپائر پینل میں شامل ہوگئے ہیں۔

واضح رہے کہ علیم ڈار نے 19 برس تک آئی سی سی ایلیٹ پینل میں امپائرنگ کی۔

علیم ڈار نے مجموعی طور پر ریکارڈ 435 انٹرنیشنل میچز میں امپائرنگ کی.

علیم ڈار نے 144 ٹیسٹ میچز میں امپائرنگ کے لیے میدان میں اترے، انہوں نے 222 ون ڈے میچز اور 69 ٹی ٹوئنٹی انٹرنیشنل میچز میں بھی امپائرنگ کی۔

علیم ڈار نے 2007 اور 2011 میں ورلڈ کپ فائنلز میں امپائرنگ کی.

علیم ڈار نے 2010 اور 2012 کے ٹی ٹونٹی ورلڈ کپ فائنل میں بھی امپائرنگ کی.

علیم ڈار نے 2009, 2010، 2011 میں آئی سی سی بہترین امپائر کا ایوارڈ جیتا

پاکستان کرکٹ بورڈ کی مینجمنٹ کمیٹی کے سربراہ نجم سیٹھی کا علیم ڈار کی خدمات کو خراج تحسین پیش اور کہا کہ علیم ڈار پہلے پاکستانی امپائر ہیں جو آئی سی سی ایلیٹ پینل کا حصہ بنے۔

نجم سیٹھی کا کہنا تھا کہ علمی ڈار نے دنیا بھر میں اپنے شفاف فیصلوں سے نیک نامی کا نام کمایا۔

نجم سیٹھی نے امپائر احسن رضا کو آئی سی سی ایلیٹ پینل کا حصہ بننے پر مبارکباد دی۔