امریکہ میں مسافر بردار طیارے میں دوران پرواز ایمرجنسی دروازہ کھولنے کی کوشش کرنے والے کو گرفتار کر لیا گیا۔
غیر ملکی میڈیا کی خبروں کے مطابق لاس اینجلس سے بوسٹن جانے والی فلائٹ میں سوار 33 سالہ شخص سویرو ٹوریس نے دوران پرواز اچانک طیارے کے ایمرجنسی دروازے کو کھولنے کی کوشش کی۔
سویرو ٹوریس کی اس کوشش کو ناکام بنانے والے فلائٹ اٹینڈنٹ پر بھی ٹوریس نے ایک ٹوٹے ہوئے چمچ سے حملہ کیا، اس دوران مسافروں اور طیارے کے دیگر عملے نے سویرو ٹوریس کو قابو کیا۔
یہ بھی پڑھیں : امریکہ کا روس سے یوکرین جنگ روکنے کا مطالبہ
یہ فلائٹ لاس اینجلس سے بوسٹن کی جانب محو پرواز تھی، پائلٹ نے فوری طور پر ہوسٹن ایئرپورٹ کو اطلاع دی جس کے بعد طیارے کی ہوسٹن میں لینڈنگ کے بعد ایئرپورٹ سیکیوریٹی حکام نے سویرو ٹوریس کو گرفتار کر لیا۔
یونائیٹڈ ایئرلائن نے سویرو ٹوریس پر زندگی بھر فلائٹ میں سفر کرنے پر پابندی عائد کر دی ہے۔
سویرو ٹوریس پر خطرناک ہتھیار کے ساتھ فلائٹ کے عملے کے کام میں مداخلت کا الزام عائد کیا گیا ہے، جرم ثابت ہونے کی صورت میں انہیں عمر قید کی سزا بھی ہو سکتی ہے۔
واقعہ کے بعد ایئرپورٹ پر مسافروں کی چیکنگ کے مرحلے کو مزید سخت کر دیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News