جسم کے کسی بھی حصے میں درد ہو انسان کسی کام کا نہیں رہتا ہے اور یہ درد اگر گردن میں ہوتو بات چیت کرنا بھی محال ہوجاتا ہے۔ یہ درد عموماً کافی دیر تک غیر آرام دہ حالت میں بیٹھے یا نیند کے دوران گردن کے درست انداز میں نہ رکھنے سے جنم لیتا ہے۔
اس طرح گرد ن کے پٹھے کمزور ہونے لگتے اور نتیجہ درد اور اکڑن کی صورت میں سامنے آتا ہے تاہم اس درد کو نظر اندازمت کریں یہاں پر اس درد سے نجات کے لیے چند طریقے بتائے جارہے ہیں۔
سونے وقت گردن کو آرا م دہ حالت میں رکھیں
سونے کی حالت یا پوزیشن گردن کے درد کو کم یا زیادہ کرنے کی ذمہ دار ہے۔ سوتے وقت آپ کی کمر گردن سے نیچے ہونی چاہئے، پیٹ کے بل سونا اس درد کو بڑھا سکتا ہے۔
درست انداز میں بیٹھنے کی مشق کریں
غلط انداز میں بیٹھنا گردن میں درد اور اکڑن کا سبب بن سکتا ہے ، جب بھی آپ کرسی پر بیٹیھں کمر کوٹیک لگانے سے گریز کریں اور اسے سیدھا رکھیں اس طرح گردن بھی سیدھی رہے گی۔
کھنچاؤ کی مشق کریں
گردن کے کھنچاؤ کی مشق نہ صرف پٹھوں کا توازن بحال کرنے میں مددفراہم کرتی ہیں بلکہ اکڑے ہوئے پٹھوں کو ڈھیلا کرنے میں بھی اہم کردارادا کرتی ہیں۔ اس کے لیے آپ اپنی گردن کو دائیں اور بائیں جانب جھکائیں ساتھ ہی اس طرح کی دوسری مشقیں بھی آزمائیں جو گردن کے درد کو کم کرنے معاون ثابت ہوتی ہیں۔
مساج کریں
کسی ماہراور پیشہ ورسے مساج کرانا کندھے اور گردن کی اکڑن کو دور کرنے میں بہت ہی کار آمد ثابت ہوتا ہے۔
ایکواپنکچر
یہ ایک درد دور کرنے کا قدیم روایتی طریقہ ہے جس میں سوئیوں کی مدد سے جسم کے مختلف حصوں میں موجود پریشر پوائنٹس پر دباؤ ڈالا جاتا ہے۔ اس طرح اسٹریس، پریشانی اور درد دور کرنے میں مدد ملتی ہے۔
اسٹریس سے بچیں
اسٹریس کے نتیجے میں گردن کے پٹھے اکڑنے لگتے ہیں۔ اس سے بچنے کے لیے مراقبہ کی مشق کریں، روز مرہ کے معمول سے ہٹ کر وہ کام کریں جس سے آپ محظوظ ہوتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News