لندن میں مسلم لیگ ن کے قائد نواز شریف سے سپین کی معروف کاروباری شخصیت چودھری امانت حسین مہر نے ملاقات کی جس میں شہباز شریف، سینیٹر اسحاق ڈار اور سینیئر نائب صدر اوورسیز بیرسٹر ملک امجد موجود تھے۔
ملاقات میں پاکستانی بزنس کمیونٹی کے لیے پے پناہ خدمات انجام دینے پر نواز شریف کی جانب سے چودھری امانت حسین مہر کو پارٹی میں اہم ذمیداری سونپتے ہوئے ن لیگ ٹریڈ کوآرڈینٹر یورپ مقرر کردیا گیا۔
ٹریڈ کوآرڈینٹرمقرر ہونے پر چودھری امانت حسین مہر نے قائد ن لیگ کا شکریہ ادا کرتے ہوئے کہا کہ ابتدائی طور پر جلد یورپ بھر میں پارٹی کے ٹریڈر ونگ کی تنظیم سازی مکمل کی جائے گی۔
انہوں نے یہ بھی کہا کہ یورپ سے پاکستان میں غیر ملکی سرمایہ کاری کو بڑھانے کے لیے ہر ممکن اقدامات کریں گے، پاکستانیوں کے یورپ میں کاروباری مسائل حل کرنا بھی ترجیحات میں شامل ہے۔
چودھری امانت حسین مہر کا مزید کہنا تھا کہ مسلم لیگ ن نے ہمیشہ عوامی امنگوں کی ترجمانی کی ہے، اللہ نے ائندہ بھی موقع دیا تو لوگوں کے معاشی مسائل حل کرنا ن لیگ کی اولین ترجیح ہوگی۔
اس موقع پر چودھری امانت مہر نے نواز شریف کو سپین آنے کی دعوت بھی دی جسے نواز شریف نے قبول کرتے ہوئے پہلی فرصت میں دورے کی یقین دہانی کرائی۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News