ورلڈ کپ اسکواڈ میں جگہ نہ بنانے والے سرفراز احمد نے قائد اعظم ٹرافی کے میچ میں لاہور وائٹس کے خلاف سنچری بنا ڈالی۔

تفصیلات کے مطابق لاہور کے قذافی اسٹیڈیم میں قائد اعظم ٹرافی 2023-24 میں پاکستان کے وکٹ کیپر بلے باز سرفراز احمد نے فرسٹ کلاس کرکٹ میں اپنی شاندار فارم کو جاری رکھتے ہوئے ڈبل سنچری اسکور کی۔

کراچی وائٹس کی قیادت کرنے والے 36 سالہ بلے باز نے لاہور وائٹس کے خلاف فرسٹ کلاس کرکٹ میں اپنی دوسری ڈبل سنچری اسکور کی۔ یہ ان کی 16 ویں فرسٹ کلاس سنچری اور قائد اعظم ٹرافی کے موجودہ سیزن میں ان کی دوسری سنچری تھی۔

.@SarfarazA_54 reaches his double century in style! 💪#QeAT | #LHRWvKHIW pic.twitter.com/T7X0Y0pKbF

Advertisement

— Pakistan Cricket (@TheRealPCB) October 1, 2023

تاہم اسی اننگز میں پانچ مختلف بلے بازوں خرم منظور، اسد شفیق، عماد عالم، رمیز عزیز اور سرفراز احمد نے بھی سنچری اسکور کی۔

قائد اعظم ٹرافی میں کراچی کی اننگز نے ایک ٹیم کی اننگز میں سب سے زیادہ انفرادی سنچریاں بنانے کا ریکارڈ توڑ دیا، یہ پہلا موقع ہے جب پاکستان ڈومیسٹک کرکٹ میں پانچ بلے بازوں نے ایک ساتھ تین ہندسوں کا ہندسہ عبور کیا ہے۔

🏏 Khurram Manzoor, Ammad Alam, Asad Shafiq, Sarfaraz Ahmed and Rameez Aziz 💯

Advertisement

A record 5️⃣ centuries scored in Karachi Whites' innings 📈👏#QeAT | #LHRWvKHIW pic.twitter.com/Ik3l1VHCYq

— Pakistan Cricket (@TheRealPCB) October 1, 2023

سرفراز احمد کی قیادت میں کراچی وائٹس نے 5 وکٹوں کے نقصان پر 784 رنز بنائے جو پاکستان میں پانچواں سب سے بڑا فرسٹ کلاس اسکور اور 1995 کے بعد سب سے بڑا اسکور ہے۔ شاندار کارکردگی کے باوجود میچ برابری پر ختم ہوا۔

پہلی اننگز میں لاہور وائٹس نے 9 وکٹوں کے نقصان پر 509 رنز بنائے تھے جس میں علی زریاب نے 222 رنز کی شاندار اننگز کھیلی تھی۔

اس میچ کے بعد کراچی تین میچوں میں 48 پوائنٹس کے ساتھ ٹیبل پر سرفہرست ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں