جاپان کی مسلم کمیونٹی سے تعلق رکھنے والے سیکڑوں افراد نے اسرائیلی سفارت خانے کے باہر احتجاج کیا۔
عرب میڈیا کے مطابق جاپان کی مسلم کمیونٹی سے تعلق رکھنے والے تقریبا ایک ہزار مظاہرین اتوار کے روز ٹوکیو کے ضلع اچی گیا میں اسرائیلی سفارت خانے کے قریب جمع ہوئے اور غزہ پر بمباری کے خلاف احتجاج کیا۔
مظاہرین نے غزہ میں اسرائیلی قابض فوج کی جانب سے شہریوں پر بمباری پر اپنے غم و غصے کا اظہار کیا۔
غزہ میں رہنے والی ایک فلسطینی خاتون نے عرب نیوز جاپان کو بتایا کہ ان کے خاندان کا ایک حصہ اسرائیلی بمباری میں ہلاک ہوا ہے اور وہ جنگ بندی دیکھنا چاہتی ہیں۔
انڈونیشیا، بنگلہ دیشی، پاکستانی، مراکشی، ترک اور ازبک وں سمیت مختلف قومیتوں سے تعلق رکھنے والی برادریوں نے “اسرائیل دہشت گرد” جیسے نعرے لگائے۔
اطلاعات کے مطابق ان بم دھماکوں کی وجہ سے فلسطین کی جانب سے 8 ہزار سے زائد افراد شہید ہو چکے ہیں اور اسرائیلی حکومت اقوام متحدہ کی قراردادوں کے باوجود انسانی بنیادوں پر جنگ بندی کا اعلان کرنے سے انکار کر رہی ہے۔
مظاہرین نے ٹوکیو میں اسرائیلی سفارت خانے کے قریب پہنچ کر “آزاد فلسطین”، “اسرائیل دہشت گرد” اور “دریا سے سمندر تک فلسطین آزاد ہوگا” کے نعرے لگائے۔
مظاہرین نے اسرائیل کی طرف سے کی جانے والی نسل کشی کی مذمت کی اور لوگوں سے کہا کہ وہ غزہ کی پٹی میں جو کچھ ہو رہا ہے اس سے آنکھیں بند نہ کریں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں https://bit.ly/3Tv8a3P اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News