جاپان کے شہر واربی میں ایک مسلح شخص نے پوسٹ آفس میں دو افراد کو یرغمال بنا لیا ہے۔

برطانوی خبر رساں ادارے کی خبر کے مطابق ٹوکیو کے قریب وسطی جاپانی شہر واربی میں مسلح پولیس نے ایک ڈاک خانے کا محاصرہ کر لیا ہے جہاں ایک مسلح شخص نے دو افراد کو یرغمال بنا رکھا ہے۔

اطلاعات کے مطابق 20 اور 30 سال کی عمر کی دو خواتین کو مقامی وقت کے مطابق آج دوپہر 2 بج کر 15 منٹ پر یرغمال بنایا گیا۔

تازہ ترین اطلاعات کے مطابق ان میں سے ایک، جس کے بارے میں خیال کیا جاتا ہے کہ وہ پوسٹ آفس کی ملازمہ تھی، کو بعد میں رہا کر دیا گیا۔

حملہ آور کا مقصد واضح نہیں ہے۔ شبہ ہے کہ وہ منگل کے روز قریبی ٹوڈا چو جنرل اسپتال میں ہونے والی فائرنگ میں بھی ملوث تھا۔

مقامی وقت کے مطابق 1 بجے ہونے والے اس حملے میں ایک ڈاکٹر اور ایک معمر مریض کے طور پر شناخت کیے جانے والے دو افراد زخمی ہوئے، زخمیوں کی حالت خطرے سے باہر ہے۔

جاپانی میڈیا نے نامعلوم پولیس ذرائع کے حوالے سے خبر دی ہے کہ پوسٹ آفس میں یرغمال بنانے والا بھی اسپتال میں فائرنگ کا مشتبہ شخص ہے۔ مبینہ طور پر وہ موٹر سائیکل پر اسپتال سے فرار ہو گیا تھا۔

فوٹیج میں پولیس اور ایمبولینسوں کو وارابی میں پوسٹ آفس کے ارد گرد دیکھا جا سکتا ہے۔

بعد ازاں ایک نوجوان خاتون کو عمارت سے باہر جاتے ہوئے دیکھا گیا جسے پولیس اپنے ساتھ لے گئی۔

جاپانی پولیس نے مصروف رہائشی محلے کی آس پاس کی عمارتوں میں رہنے والوں سے کہا گیا ہے کہ وہ اپنے گھروں میں رہیں جبکہ بچوں کو ان کے گھروں تک واپس لے جانے کے لئے بسیں قریبی اسکول بھیجی گئیں۔

جاپان میں فائرنگ کے واقعات شاذ و نادر ہی ہوتے ہیں۔ ملک میں اسلحے کی ملکیت کے سخت قوانین ہیں ، اور شہریوں کو صرف شکار ی رائفلوں اور ایئر گنوں کے مالک ہونے کی اجازت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں