بھارت کے سابق کپتان ویرات کوہلی نے بھارتی لیجنڈ سچن ٹنڈولکر کا ون ڈے انٹرنیشنل کرکٹ میں سب سے زیادہ 49 سنچریوں کا ریکارڈ توڑ دیا۔

ویرات کوہلی نے ممبئی کے وانکھیڈے اسٹیڈیم میں آئی سی سی ون ڈے ورلڈکپ 2023 کے پہلے سیمی فائنل میں نیوزی لینڈ کے خلاف شاندار سنچری اسکور کرکے سابق بھارتی کرکٹرسچن ٹنڈولکر کا ریکارڈ توڑا۔ ویرات کوہلی 113 گیندوں پر 117 رنز بناکر آؤٹ ہوئے جس میں 2 چھکے اور 9 چوکے شامل تھے۔

سابق بھارتی کپتان ویرات کوہلی نے اپنے کیریئر کی 50ویں سنچری بناکر لیجنڈری بلے باز سچن ٹنڈولکر کا ون ڈے کرکٹ میں سب سے زیادہ سنچریوں کو ریکارڈ بھی توڑ دیا۔ ویرات کوہلی ون ڈے کیر یئر میں 50 سنچریاں اور 71 ففٹیاں اسکور کر چکے ہیں ۔

KOHLI, ODI KING 👑 pic.twitter.com/Kt743mIEQa

Advertisement

— ESPNcricinfo (@ESPNcricinfo) November 15, 2023

سچن ٹنڈولکر نے 463 ون ڈےانٹرنیشنل میں 49 سنچریاں بنائیں تھیں تاہم ویرات کوہلی نے 279 ون ڈے انٹرنیشنل میں یہ سنگ میل عبور کیا جب کہ اس فہرست میں بھارتی کپتان روہت شرما 31 سنچریوں کے ساتھ تیسرے نمبر پر موجود ہیں۔

THE MOST HUNDREDS IN ODI HISTORY!

KOHLI PASSES SACHIN WITH ODI CENTURY NO. 50 👑 pic.twitter.com/nKwRVQ2I5o

Advertisement

— ESPNcricinfo (@ESPNcricinfo) November 15, 2023

خیال رہے کہ سچن ٹنڈولکر نے ون ڈے میں سب سے زیادہ 18ہزار 426 رنز بنائے،جس میں 49 سنچریاں اور 96 نصف سنچری شامل تھیں۔

Virat Kohli now has the most runs in a single edition of an ODI World Cup 👑 #INDvNZ | #CWC23 pic.twitter.com/KhiVLSRNv2

— ESPNcricinfo (@ESPNcricinfo) November 15, 2023

 اس کے علاوہ ویرات کوہلی نے کسی بھی ورلڈکپ کے ایک ایڈیشن میں سچن ٹنڈولکر کا 673 رنز بنانے کا ریکارڈ بھی توڑ دیا۔ ویرات کوہلی نے سیمی فائنل تک 10 اننگز میں 118 رنز کی اوسط سے 709 رنز بنالیے ہیں۔

Virat Kohli: wake up, break records, sleep, repeat #INDvNZ | #CWC23 pic.twitter.com/21MQO0IEPo

— ESPNcricinfo (@ESPNcricinfo) November 15, 2023

علاوہ ازیں ویرات کوہلی نے ورلڈکپ کے ایک ایڈیشن میں 8ویں بار 50 پلس رنز بناکر سچن ٹنڈولکر کا یہ ریکارڈ بھی اپنے قبضے میں کرلیا۔ اس سے قبل سچن ٹنڈولکر 2003 کے ورلڈکپ میں 7 بار یہ کارنامہ انجام دے چکے تھے جب کہ بنگلادیش کے موجودہ کپتان شکیب الحسن نے 2019 کے ایڈیشن میں 7 ہی بار 50 پلس رنز بنائے تھے۔