کویت نے ملک بھر میں رہائشی اور لیبر قوانین کی خلاف ورزی کرنے والے 282 غیر ملکی افراد کو گرفتار کر لیا ہے۔

عرب میڈیا کے مطابق کویت کی وزارت داخلہ نے بتایا کہ کویتی حکام نے ملک میں قانون کی خلاف ورزی کرنے پر 282 افراد کو گرفتار کیا ہے۔

کویتی وزارت داخلہ کے ترجمان کے مطابق فی الحال گرفتار افراد کے خلاف قانونی اقدامات کیے جا رہے ہیں۔

گرفتار افراد کو رہائشی اور لیبر قانون کی خلاف ورزی کرنے اور دو جعلی گھریلو مزدور دفاتر اور ایک مساج انسٹی ٹیوٹ کے مالک ہونے کے الزام میں گرفتار کیا گیا تھا۔

متعدد حکام کی جانب سے تحقیقات اور تلاشی کے بعد ملک کے علاقوں خیتان، ہاولی، الدجیج، کبد، بریح سلیم، صالحیہ، محبوبولا، فہیل مارکیٹس اور فروانیہ کے علاقوں میں خلاف ورزی کرنے والوں کا سراغ لگایا گیا۔

فی الحال مجرموں کے خلاف قانونی اقدامات کیے جارہے ہیں اور انہیں متعلقہ حکام کو بھیج دیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں