ملک بھرمیں کرسمس کی تقریبات، گرجا گھروں میں عبادات، ملکی استحکام کیلئے دعائیں

ویب ڈیسک

25th Dec, 2023. 11:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھرمیں کرسمس کی تقریبات، گرجا گھروں میں عبادات، ملکی استحکام کیلئے دعائیں

ملک بھرمیں کرسمس کی تقریبات کی مناسبت سے گرجا گھروں میں عبادات کا سلسلہ جاری، ملکی استحکام کیلئے دعائیں مانگی گئیں۔

مسیحی برادری آج کرسمس کا تہوار مذہبی جوش و خروش کے ساتھ منارہی ہے۔ چرچز میں کرسمس کی مناسبت سے بڑی دعائیہ تقاریب منعقد کی جارہی ہیں۔ دعائیہ تقاریب میں بڑی تعداد میں مسیح برداری کے بزرگ خواتین اور بچے شریک ہیں۔

کرسمس کی مناسبت سے گرجا گھروں کو برقی قمقموں سمیت نہایت خوبصورتی سے سجایا گیا ہے۔ چرچز میں صبح ہوتے ہی دعائیہ تقاریب و عبادات کا اہتمام کیاگیا۔ عائیہ تقاریب میں محبت اور بھائی چارے کے درس کے ساتھ ساتھ ملک کی سلامتی و ترقی کیلئے خصوصی دعا بھی کی گئی۔

نگراں وزیراعظم انوارالحق کاکاڑ کا کرسمس کے موقع پراہم پیغام

پولیس کی جانب سے کرسمس تقریبات و عبادات کے لیے سیکیورٹی کے خصوصی انتظامات کیے گئے، پولیس کے ہزاروں افسران و جوان دن بھر کی تقریبات و چرچز کی سیکیورٹی کے لیے تعینات کیے گئے۔

اس موقع پرگورنر خیبرپختونخوا حاجی غلام علی نے کرسمس کے تہوار پر ملک بھر بالخصوص خیبر پختونخواکی مسیحی برادری کو مبارکباد دی جبکہ وزیراعلیٰ پنجاب محسن نقوی پنجاب نے سیکرڈ ہارٹ کیتھیڈرل چرچ لارنس روڈ میں کرسمس کی تقریب سے خطاب بھی کیا۔

میئر کراچی بیرسٹرمرتضی وہاب نے بھی کرسمس کے موقع پر پیغام جاری کیا اورمسیحی برادری کو کرسمس کی مبارکباد دی۔