فرانس میں انسانی اسمگلنگ کے شبہ میں 3 سو بھارتیوں کو لے جانے والا طیارہ گراؤنڈ

ویب ڈیسک

23rd Dec, 2023. 12:34 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فرانس میں انسانی اسمگلنگ کے شبہ میں 3 سو بھارتیوں کو لے جانے والا طیارہ گراؤنڈ

فرانس نے انسانی اسمگلنگ کے شبہ میں 3 سو بھارتی مسافروں کے لے جانے والے طیارے کو گراؤنڈ کر دیا۔

عرب میڈیا کے مطابق نکاراگوا جانے والے 300 سے زائد ہندوستانی مسافروں کو لے جانے والے ایک طیارے کو انسانی اسمگلنگ کے شبہ میں فرانس میں گراؤنڈ کر دیا گیا ہے۔

پیرس پبلک پراسیکیوٹر کے دفتر نے عالمی خبر رساں ادارے کو بتایا کہ مسافروں کو لے جانے والے طیارے کو جمعرات کے روز نامعلوم خفیہ اطلاع کے بعد حراست میں لے لیا گیا۔

استغاثہ کا کہنا ہے کہ نیشنل اینٹی آرگنائزڈ کرائم یونٹ جونالکو نے تحقیقات کا کام سنبھال لیا ہے۔

رومانیہ کی کمپنی لیجنڈ ایئرلائنز کی جانب سے چلائے جانے والے اے 340 طیارے کو لینڈنگ کے بعد وتری ہوائی اڈے پر گراؤنڈ کر دیا گیا۔

طیارے میں ایندھن بھرنا تھا اور اس میں 303 بھارتی شہری سوار تھے۔

اس معاملے سے واقف ذرائع کے مطابق بھارتی مسافروں نے امریکہ یا کینیڈا میں غیر قانونی طور پر داخل ہونے کی کوشش کرنے کے لئے وسطی امریکہ کا سفر کرنے کا منصوبہ بنایا تھا۔