فرانس میں کرسمس کے موقع پر قتل کی لرزہ خیز واردات میں خاتون اور 4 بچوں کے قتل کے الزام میں ایک شخص گرفتار کر لیا گیا ہے۔

برطانوی خبر رساں ادارے کی خبر کے مطابق فرانسیسی پولیس نے کرسمس کے موقع پر گھر میں مردہ پائے جانے والے ماں اور اس کے چار بچوں کو قتل کرنے کے الزام میں ایک شخص کو گرفتار کر لیا ہے۔

مقامی پراسیکیوٹر جین بیپٹسٹ بلیڈیئر نے بتایا کہ حکام نے پیر کی شام کو پیرس کے مشرق میں میوکس قصبے میں واقع ان کے فلیٹ سے خاتون اور اس کے نو ماہ، چار، سات اور 10 سالہ بچوں کی لاشیں برآمد کیں۔

پولیس ذرائع کا کہنا ہے کہ مرکزی ملزم کو قریبی قصبے سیورن سے حراست میں لیا گیا ہے۔

انہوں نے کہا کہ فلیٹ میں ٹوٹنے اور داخل ہونے کا کوئی نشان نہیں تھا، بچوں کا والد غیر حاضر تھے۔

اس معاملے پر قریبی ذرائع نے بتایا کہ 35 سالہ ماں اور اس کے بچوں کو تیز دھار آلے سے قتل کیا گیا۔ ذرائع نے بتایا کہ پولیس ایک 33 سالہ شخص کی تلاش کر رہی تھی۔

ورسیلز جوڈیشل پولیس سروس نے “منصوبہ بند قتل” کی تحقیقات کا آغاز کیا۔

پیرس کے علاقے میں حال ہی میں نوزائیدہ بچوں کی ہلاکتوں کا ایک سلسلہ دیکھا گیا ہے۔

نومبر کے اواخر میں ایک 41 سالہ شخص نے اپنی چار سے 11 سال کی تین بیٹیوں کو قتل کرنے کا اعتراف کیا تھا۔

پولیس نے انہیں دارالحکومت کے جنوب مشرقی مضافاتی علاقے الفورٹ ویل میں واقع اپنے گھر میں مردہ پایا۔

اس سے ایک ماہ قبل اکتوبر میں دارالحکومت کے شمال مشرق میں واقع ویمارس میں ایک شخص نے اپنی تین بیٹیوں کو قتل کرنے کے بعد خود کشی کر لی تھی۔

اکتوبر میں پولیس کے سپاہی نے اپنی تین بٹیوں کو قتل کر کے خودکشی کر لی تھی۔

فرانس میں اوسطا ہر تین دن میں ایک عورت کو قتل کیا جاتا ہے جبکہ فرانس میں گزشتہ برس 118 خواتین کو ان کے ساتھی یا سابق ساتھی نے قتل کیا۔