سخت سردی میں فرانس سے انگلش چینل عبور کرکے برطانیہ جانے والے 5 تارکین وطن ہلاک ہوگئے۔
غیر ملکی خبر رساں ادارے کے مطابق فرانس سے انگلش چینل عبور کرکے برطانیہ جانے والے 4 تارکین وطن راتوں رات مرگئے جب کہ پانچویں کی لاش بعد میں ساحل سمندر سے ملی۔
فرانسیسی حکام نے کہا ہے کہ سخت سردی میں شمالی فرانس سے برطانیہ پہنچنے کی کوشش کے دوران پانچ تارکین وطن ہلاک جب کہ چھٹے کی حالت نازک ہے۔
فرانسیسی میری ٹائم اتھارٹی نے ایک بیان میں کہا کہ 30 سے زائد افراد کو بچالیا گیا ہے جب کہ 2024 میں انگلش چینل عبور کرنے والے تارکین وطن کی پہلی اموات رپورٹ ہوئی ہیں۔
میری ٹائم حکام کے مطابق 2023 میں 12 تارکین وطن چینل کو عبور کرنے کی کوشش میں اپنی جان سے ہاتھ دھو بیٹھے تھے۔
میری ٹائم پریفیکچر نے بتایا کہ یہ گروپ ریزورٹ ٹاؤن ویمیریکس سے دور ایک کشتی تک پہنچنے کی کوشش کر رہا تھا جب کہ ان کی چھوٹی کشتی دو بجے کے قریب حادثے کا شکار ہوئی۔
رپورٹ کے مطابق حکام نے لوگوں کو بچانے کے لیے فوری طور پر کشتی روانہ کی جس نے کئی لوگوں کو بے ہوش اور مردہ ہونے کی تصدیق کی جب کہ اس وقت پانی کا درجہ حرارت 9 ڈگری سینٹی گریڈ ریکارڈ کیا گیا تھا۔
رپورٹ میں کہا گیا کہ بچ جانے والے افراد کو پناہ گاہ منتقل کردیا گیا ہے جب کہ ساحل پر کئی افراد کے جوتے اور کپڑے بھی دیکھے گئے ہیں۔
بچ جانے والے ایک شخص کا کہنا ہے کہ کشتی میں 70 افراد سوار تھے جن میں بچوں کے ساتھ پورے خاندان بھی شامل تھے جب کہ کچھ تو بہت چھوٹے بچے بھی تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News