کویت نے اسلام دشمن متعصب بھارت کو آئینہ دکھاتے ہوئے رام مندر کے افتتاح کے موقع پر مٹھائی تقسیم کرنے والے بھارتی شہریوں کو ملک بدر کردیا ہے۔
22 جنوری کو مودی سرکار کی جانب سے بابری مسجد کو مسمار کرکے رام مندر کا افتتاح کیا گیا، بابری مسجد کے انہدام اور رام مندر کے افتتاح کے موقع پر ہندوتوا شدت پسندوں نے دنیا بھر میں جشن منایا۔
کویت نے اسلام دشمن متعصب بھارت کو آئینہ دکھا دیا ہے، کویت کی دو مختلف کمپنیوں میں 9 بھارتی شہریوں نے 22 جنوری کو رام مندر کے افتتاح پر اپنے ساتھیوں میں مٹھائیاں تقسیم کیں۔
یہ بھی پڑھیں: ’’رام مندر یا بھارتی سیکولرازم کی سمادھی‘‘
بھارتی شہریوں کے اس اقدام پر کویتی حکام نے بروقت کاروائی کی اورکویت میں بھارتی شہریوں کو رام مندر کے افتتاح کی خوشیاں منانے پر نہ صرف نوکری سے برخاست کیا گیا بلکہ اسی رات ملک چھوڑنے کا بھی حکم دیا گیا۔
یاد رہے کہ ماضی میں بھی بھارتی شہری مختلف اسلام دشمن کارروائیوں کی وجہ سے سزاؤں اور ملک بدری کا سامنا کرتے رہے ہیں۔
ہندو انتہا پسندوں کی عالمی سطح پر بڑھتی شدت پسندی کا انہیں وقتاً فوقتاً خمیازہ بھگتنا پڑ رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News