گزشتہ روز فرانس کی وزیر اعظم کے مستعفیٰ ہونے کے 24 گھنٹوں بعد گیبریل اٹل فرانس کے کم عمر ترین وزیر اعظم بن گئے۔
عالمی خبر رساں ادارے کی خبر کے مطابق فرانس کے صدر ایمانوئل میکرون نے 34 سالہ وزیر تعلیم گیبریل ایٹل کو اپنا نیا وزیر اعظم مقرر کیا ہے جو یورپی پارلیمنٹ کے انتخابات سے قبل اپنے دوسرے مینڈیٹ میں نئی جان ڈالنے کی کوشش کر رہے ہیں۔
میڈیا رپورٹس کے مطابق یہ اقدام ضروری طور پر کسی بڑی سیاسی تبدیلی کا باعث نہیں بنے گا۔
لیکن اس خواہش کا اشارہ ہے کہ میکرون گزشتہ سال کی غیر مقبول پنشن اور امیگریشن اصلاحات سے آگے بڑھنے کی کوشش کریں گے اور جون میں یورپی یونین کے انتخابات میں اپنی سینٹرسٹ پارٹی کے امکانات کو بہتر بنانے کی کوشش کریں گے۔
گیبریل اٹل فرانس کے سب سے کم عمر وزیر اعظم ہوں گے اور کھلے عام ہم جنس پرست ہونے والے پہلے وزیر اعظم ہوں گے۔
رائے عامہ کے جائزوں سے پتہ چلتا ہے کہ میکرون کا کیمپ انتہائی دائیں بازو کی رہنما میرین لی پین کی پارٹی سے تقریبا آٹھ سے دس فیصد پوائنٹس پیچھے ہے۔
میکرون کے قریبی ساتھی گیبریل اٹل، جو کووڈ 19 وبائی مرض کے دوران حکومت کے ترجمان کے طور پر گھر گھر میں مشہور ہوئے تھے، سبکدوش ہونے والی وزیر اعظم ایلزبتھ بورن کی جگہ لیں گے۔
حالیہ رائے عامہ کے جائزوں میں ملک کے مقبول ترین سیاست دانوں میں سے ایک گیبریل اٹل نے ریڈیو شوز اور پارلیمنٹ میں آسانی سے ایک سمجھدار وزیر کے طور پر اپنا نام بنایا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News