کرینہ کپور خان بالی ووڈ کی سب سے زیادہ پسند کی جانے والی اداکاراؤں میں سے ایک ہیں۔ شائقین انہیں اسکرین پر دیکھنا پسند کرتے ہیں اور ان کے اگلے پروجیکٹ کا بے صبری سے انتظار بھی کرتے ہیں۔
پچھلے کچھ دنوں سے سوشل میڈیا پر یہ خبر چل رہی ہے کہ وہ گیتو موہن داس کی ‘ٹاکسک’ میں نظر آئیں گی، جس میں ‘KGF’ اسٹار یش ہیں لیکن اس حوالے سے کوئی باقاعدہ اعلان نہیں کیا گیا ہے۔
اس حوالے سے اداکارہ کی لیگل ٹیم کی جانب سے ایک بیان جاری کیا گیا ہے جس میں میڈیا سے درخواست کی گئی ہے کہ وہ کرینہ کپور کے اگلے پروجیکٹ کے بارے میں “قبل از وقت قیاس آرائیوں سے گریز کریں”۔
خیال رہے کہ ‘KGF: چیپٹر 2’ کی زبردست کامیابی کے بعد اداکار یش بڑے پردے پر واپسی کے لیے تیار ہیں۔
یش نے ایک خصوصی ٹیزر ویڈیو کے ساتھ اپنی اگلی فلم کے ٹائٹل کا اعلان کیا ہے جو کہ گیتو موہن داس کی ہدایت کاری میں بننے والی ‘ٹاکسک’ 10 اپریل 2025 کو سینما گھروں میں نمائش کے لیے پیش کی جائیگی۔
کرینہ کپور، ‘دی کریو’ میں کریتی سینن، تبو اور دلجیت دوسانجھ کے ساتھ نظر آئیں گی۔ اس کے علاوہ وہ روہت شیٹی کی ‘سنگھم اگین’ کا بھی حصہ ہیں جس میں اجے دیوگن، دیپیکا پڈوکون، اکشے کمار، رنویر سنگھ اور ٹائیگر شراف بھی اہم کرداروں میں موجود ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News