حکومت نے پی سی بی مینجمنٹ کمیٹی پر مکمل اعتماد کا اظہار کرتے ہوئے اسے کام جاری رکھنے کی ہدایت جاری کر دی ہے۔
تفصیلات کے مطابق پی سی بی کے انتخابات کے لیے وفاقی وزیر بین الصوبائی رابطہ فواد حسن فواد کی زیر صدارت اجلاس میں مینجمنٹ کمیٹی کو اپنا کام جاری رکھنے کی ہدایات جاری کر دی ہیں۔
اجلاس فیصلہ کیا گیا کہ پاکستان کرکٹ بورڈ کے انتخابات اور دیگر امور پر وزارت قانون سے مشاورت لی جائے گی۔
اجلاس میں پی سی بی کے بورڈ آف گورنرز کی تشکیل کا معاملہ بھی زیر غور آیا۔
اجلاس میں پی سی بی مینجمنٹ کمیٹی کے سربراہ ذکاء اشرف، سی او او سلمان نصیر اور دیگر وزارت بین الصوبائی رابطہ کے اعلیٰ حکام نے شرکت کی۔
وفاقی وزیر فواد حسن فواد کا کہنا تھا کہ ہم سب چاہتے ہیں کہ کرکٹ میں بہتری آئے، اس کے لیے ہم وضح کردہ قوانین کے تحت مشاورت کریں گے۔
واضح رہے کہ یہ اجلاس 16 جنوری کو رکھا گیا تھا مگر وزارت بین الصوبائی رابطہ کی ہدایت پر ملتوی کر دیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News