قومی اسمبلی کا افتتاحی اجلاس کل صبح 10 بجے طلب کر لیا گیا ہے، اجلاس کی تمام تیاریاں مکمل کر لی گئی ہیں۔

تفصیلات کے مطابق نگراں وزیراعظم نے وزارت قانون کی رائے کے بعد کل صبح 10 بجے اجلاس طلب کرنے کی منظوری دی، افتتاحی اجلاس آئین کے آرٹیکل91 کی ذیلی شق 2 کے تحت طلب کیا گیا۔

قومی اسمبلی کے افتتاحی اجلاس کی تیاریاں مکمل کر لی گئی ہیں اور سمبلی ہال میں نومنتخب اراکین کو نشستیں الاٹ کر دی گئیں ۔

حکومتی بنچز پر قائد ایوان کیساتھ پہلی نشست سابق وزیر اعظم نواز شریف کو الاٹ کی گئی ہیں۔

 حکومتی بنچز پرنواز شریف کیساتھ ،شہباز شریف خواجہ آصف کو بھی نشست الاٹ کر دی گئی ہیں۔

سابق صدر آصف علی ذرداری اور بلاول بھٹو زرداری کو بھی حکومتی بنچز پر پہلی رو میں نشستیں آلاٹ، جبکہ راجہ پرویز اشرف، خالد مقبول صدیقی، علیم خان اور طارق بشیر چیمہ بھی حکومتی بنچز کے فرنٹ نشستوں پر براجمان ہونگے۔

حکومتی اور اپوزیشن سائیڈ پر پہلی نشست کو خالی چھوڑ دیا گیا۔

 تحریک انصاف کے حمایت یافتہ عمر ایوب  کو اپوزیشن لیڈر کے ساتھ پہلی نشست الاٹ کر دی گئی ہے۔

اسد قیصر، علی محمد اور صاحبزادہ حامد رضا بھی اپوزیشن کے فرنٹ لائن میں بیٹھیں گے جبکہ مولانا فضل الرحمان، سردار اختر مینگل اور محمود خان اچکزئی کو بھی اپوزیشن بنچز پر فرنٹ لائن میں نشستیں الاٹ کی گئی ہیں۔