چین کی ایک عدالت نے جاسوسی کے الزام میں گرفتار ہونے والے آسٹریلوی مصنف یانگ ہینگ جن کو پانچ سال بعد سزائے موت سنائی ہے۔
برطانوی خبر رساں ادارے کی خبر کے مطابق آسٹریلوی حکام کے مطابق اس سزا کو دو سال بعد عمر قید میں تبدیل کیا جا سکتا ہے۔
چین کے ریاستی امور کے بارے میں بلاگنگ کرنے والے اسکالر اور ناول نگار ڈاکٹر یانگ ان الزامات کی تردید کرتے ہیں، جنہیں عام نہیں کیا گیا ہے۔
آسٹریلوی حکومت کا کہنا ہے کہ وہ نتائج سے ‘حیران’ ہے۔
یہ اقدام گزشتہ سال کے اواخر میں وزیر اعظم انتھونی البانیز کے چین کے تاریخی دورے کے بعد سامنے آیا ہے، جس کا مقصد حالیہ برسوں میں خراب ہونے والے تعلقات کو بہتر بنانا تھا۔
وزیر خارجہ پینی وونگ نے آسٹریلیا میں چین کے سفیر کو وضاحت کے لیے طلب کیا ہے اور پیر کے روز کہا ہے کہ حکومت بیجنگ کو ‘سخت ترین الفاظ’ میں اپنے ردعمل سے آگاہ کرے گی۔
وزیر خارجہ پینی وونگ نے ایک بیان میں کہا کہ ہم نے بین الاقوامی اصولوں اور چین کی قانونی ذمہ داریوں کے مطابق ڈاکٹر یانگ کے لئے انصاف کے بنیادی معیارات، طریقہ کار کی شفافیت اور انسانی سلوک پر مسلسل زور دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News