امریکہ کا چین کے لیے پروازوں میں اضافے پر اتفاق

ویب ڈیسک

27th Feb, 2024. 05:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکہ کا چین کے لیے پروازوں میں اضافے پر اتفاق

واشنگٹن: امریکہ نے چین کے لیے پروازوں میں اضافے پر اتفاق کرلیا ہے۔

غیر ملکی خبر رساں ادارے کے مطابق امریکی محکمہ ٹرانسپورٹ نے اعلان کیا ہے کہ چینی ایئر لائنز کو امریکہ کے لیے ہفتہ وار پروازوں کی تعداد 35 سے بڑھا کر 50 کرنے کی اجازت دینے پر اتفاق کیا ہے جس کا اطلاق 31 مارچ سے ہوگا۔

محکمے نے کہا کہ یہ منظوری موسم گرما کے ٹریفک سیزن میں یو ایس چین مارکیٹ کو مزید معمول پر لانے کے لیے ایک اہم قدم ہے۔

خیال رہے کہ 2020 میں وبائی امراض کووڈ 19 کی وجہ سے پابندیاں عائد کی گئی تھیں جب کہ اس سے قبل 150 سے زائد ہفتہ وار پروازوں کی اجازت تھی۔

اگست 2020 میں امریکہ اور چین کے درمیان ہفتہ وار صرف 12 پروازیں چلانے پر اتفاق ہوا تھا جب کہ یکم ستمبر کو یہ تعداد بڑھ کر 18 اور 29 اکتوبر کو 24 جب کہ نومبر میں ہفتہ وار 35 پروازوں کی منظوری دی گئی تھی۔