پیپلز پارٹی کے چیئرمین بلاول بھٹو زرداری نے کہا ہے کہ میں مرکز میں اپنے لوگوں کے لیے وزارتیں نہیں مانگ رہا ہوں۔
ٹھٹھہ میں جلسے سے خطاب کرتے ہوئے پیپلز پارٹی کے چیئرمین بلاول بھٹو زرداری نے کہا کہ پاکستان کو بچانے کا وقت آ گیا ہے، پیپلز پارٹی نے ایک دفعہ پھر پاکستان کھپے کا نعرہ لگا دیا ہے۔
بلاول بھٹو زرداری نے دعویٰ کیا کہ مجھے 3 سال ن لیگ اور پھر 2 سال پی پی کی حکومت کا کہا گیا لیکن میں نے پاور شیئرنگ کی اس تجویز کو مسترد کر دیا ہے۔
جودھاندلی کے الزام لگا رہے ہیں بتائیں کونسی پولنگ پر دھاندلی کی ہے یہ الیکشن کے دن نہیں بولے 3 سے 4 دن بعد دھاندلی یاد آگئی۔
پاکستان پیپلز پارٹی کے چیئرمین نے کہا کہ صدرالدین 10 سیٹوں کا مطالبہ کر رہے تھے کہاں سے دوں؟ پیرصاحب اور مولانا کے پاس دھاندلی کے ثبوت ہیں تو ثابت کریں۔
انہوں نے کہا کہ 16 ماہ کی حکومت میں ترقیاتی منصوبوں کے جو وعدے ہوئے وہ پورے نہیں ہوئے۔
مولانا جلسے میں مدرسے کے بچوں کو لاتے ہیں جن کا ووٹ ہی نہیں۔
بلاول بھٹو نے کہا کہ پیپلزپارٹی نے فیصلہ کیا ہے کہ ملک میں لگی آگ کو بجھانا ہے، ہمیں کوئی کرسی نہیں چاہئےعوام کے مسائل حل ہوتے دیکھنا چاہتا ہوں۔
پاکستان پیپلز پارٹی کے چیئرمین بلاول بھٹو زرداری نے مزید کہا کہ کئی سیاستدان عمرمیں مجھ سے بڑے ہیں اور عوام کا نہیں اپنا سوچتے ہیں، جس کی وجہ سے ملک کا نقصان ہو رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News