ڈی آئی جی آپریشنز سید علی ناصر رضوی نے یوم شہادت حضرت علیؓ کے مرکزی جلوس کے روٹ کا دورہ کیا۔

تفصیلات کے مطابق ڈی آئی جی آپریشنز سید علی ناصر رضوی کے مرکزی جلوس کے روٹ کے دورے کے دوران ڈی سی او لاہور، ایس ایس پی آپریشنز، ایس پی سکیورٹی و دیگر اعلیٰ پولیس افسران ہمراہ تھے۔

ڈی آئی جی آپریشنز کے دورے کے موقع فپر یوم علیؓ کے عزاداری جلوس کے منتظمین اور شیعہ اکابرین موقع پر موجود تھے۔

ایس پی سٹی نے ڈی آئی جی آپریشنز اور افسران کو جلوس کے انتظامات بارے تفصیلی بریفنگ دی۔

ڈی آئی جی آپریشنز نے کربلا گامے شاہ سے مبارک حویلی تک محیط روٹ کا تفصیلی جائزہ لیا۔

سید علی ناصر رضوی نے کہا کہ یومِ علیؓ پر جلوس کے شرکاء کو تین درجاتی حصار پر مبنی فول پروف سکیورٹی فراہم کی جائے گی۔

انہوں نے کہا کہ لاہور پولیس کے 50 ہزار سے زائد افسران واہلکار سکیورٹی کے فرائض سر انجام دیں گے اور سیف سٹی اتھارٹی اور ڈپٹی کمشنرآفس کے کنڑول روم سے مسلسل مانیٹرنگ کی جائے گی۔

ڈی آی جی آپریشنز نے ہدایت کی کہ تجاوزات کے خاتمے، میڈیکل سہولیات و دیگر اقدامات کے لئے ضلعی انتظامیہ سے مربوط روابط کو یقینی بنایا جائے۔

ڈی آئی جی آپریشنز سید علی ناصر رضوی نے ہدایت کی کہ روٹ کے اطراف سرچ اینڈ سویپ آپریشنز،سنیپ چیکنگ اور موثر گشت کو یقینی بنایا جائے۔