بھارت کا متنازع شہریت ترمیمی ایکٹ، امریکہ اور اقوام متحدہ کا تحفظات کا اظہار

ویب ڈیسک

14th Mar, 2024. 12:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت کا متنازع شہریت ترمیمی ایکٹ، امریکہ اور اقوام متحدہ کا تحفظات کا اظہار

بھارت میں مودی حکومت کی جانب سے متنازع شہریت ترمیمی ایکٹ کے نفاذ پر امریکہ اور اقوام متحدہ نے تحفظات کا اظہار کیا ہے۔

بین الاقوامی خبررساں ادارے کے مطابق امریکی محکمہ خارجہ کے ترجمان نے اپنے بیان میں کہا کہ بھارت میں شہریت کے متنازع ترمیمی ایکٹ کے نفاذ پر تشویش ہے۔

ترجمان نے کہا کہ ایکٹ کے نافذ ہونے کے بعد صورتحال کا بغور جائزہ لے رہے ہیں۔

امریکی محکمہ خارجہ کے ترجمان کا مزید کہنا تھا کہ مذہبی آزادی کا احترام اور قانون کے تحت تمام قومیتوں اور گروپس کے ساتھ یکساں سلوک جمہوریت کا بنیادی اصول ہے۔

دوسری جانب اقوام متحدہ نے بھی بھارت کے اس متنازع قانون پر تحفظات کا اظہار کیا ہے۔

اقوام متحدہ کے انسانی حقوق کمیشن کا کہنا ہے کہ بھارت کا شہریت ترمیمی ایکٹ بنیادی طور پر امتیازی ایکٹ ہے جو بھارت کی بین الاقوامی انسانی حقوق کی ذمہ داریوں کے خلاف ہے۔