مسلم لیگ ن کے قائد نوازشریف اور وزیراعظم شہباز شریف کی جاتی امراء میں ملاقات کی اندرونی کہانی سامنے آگئی ہے۔
ذرائع کے مطابق وزیراعظم شہباز شریف نے جاتی امراء میں مسلم لیگ ن کے قائد نواز شریف سے ملاقات کی جب کہ اس دوران وزیر اعلیٰ پنجاب مریم نواز، پرویز رشید اور مریم اورنگزیب بھی موجود تھیں۔
ذرائع نے بتایا کہ ملاقات میں اتحادی حکومت کی اب تک کی کارکردگی اورمختلف فیصلوں کا جائزہ لیا گیا جب کہ میاں نوازشریف مہنگائی میں کمی نہ ہونے پر فکر مند نظر آئے۔
ذرائع نے یہ بھی بتایا کہ نواز شریف نے انہیں تلقین کی کہ انتخابی مہم میں عوام سے کیے گئے وعدوں کو یاد رکھیں، منشور اور ان وعدوں پر عمل کرنا ہوگا۔
ذرائع کا کہنا تھا کہ نواز شریف نے وزیر اعظم کو ہدایت کی ہے کہ اہم نوعیت کے فیصلوں میں مشاورت لازمی کیا کریں، رمضان المبارک میں سستے بازاروں میں قیمتوں میں مزید کمی لائیں۔
علاوہ ازیں نوازشریف نے مریم نواز کو مزید متحرک ہونے اور عوامی مسائل کے حل کی ہدایت دی جب کہ شہباز شریف نے سینیٹ انتخابات اور پارٹی امیدواروں سے متعلق آگاہ کیا۔
ذرائع کا مزید بتانا تھا کہ ملاقات کے دوران پارٹی کے بعض سینئر رہنماؤں کے مختلف قومی و سیاسی امور پر اختلافات بھی زیر بحث آئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News