وفاقی وزیر منصوبہ بندی احسن اقبال نے نارووال میں یوٹیلیٹی اسٹور کا دورہ کیا۔
وفاقی وزیر برائے منصوبہ بندی احسن اقبال نے نارووال میں یوٹیلیٹی اسٹور کا دورہ کیا اور اشیائے خورد و نوش کی قیمتوں کا معائنہ کیا۔
اس موقع پر انہوں نے کہا کہ حکومت نے ماہ رمضان میں عوام کے لئے ساڑھے 12 ارب روپے کی سبسڈی دی ہے اور آٹا، گھی، چینی اور دوسری اشیاء وافر مقدار میں یوٹیلیٹی سٹور پر موجود ہیں ۔
انہوں نے کہا کہ پاکستان کا معاشی چیلنج ہے کہ پورا ملک کا کاروبار ادھار پہ چل رہا ہے، وفاقی حکومت کو ٹیکس کی صورت میں ریونیو ملتا ہے اس میں 1 ہزار ارب مزید قرضہ لیکر قرضہ ادا کیا جاتا ہے۔
یہ ایک پھندا ہے جس میں ہم پھنسے ہوئے ہیں، 4 سالوں میں جو بانی پی ٹی آئی کی حکومت پاکستان کی معشیت کا کباڑہ کرکے گئی ہے آج اس کے شکنجے میں پوری قوم آئی ہوئی ہے۔
عمران خان جب یہ تباہی کررہا تھا جو ہم اپوزیشن کے پلیٹ فارم سے چیخ چیخ کر کہ رہے تھے کہ اس کی نااہلی کی قیمت کئی سال قوم کو ادا کرنا پڑے گی۔
2 سالوں میں اصلاحات کے جب نتائج آئیں گے ملک کی معیشت دوبارہ اپنے پاوں پہ کھڑا ہو گی، حکومت کے خزانے میں پیسے آئیں گے تو ہم سبسڈی دینے کے قابل ہوں گے ۔
پیٹرول اور ڈیزل کی قیمتوں کا تعلق حکومت سے نہیں بین الاقوامی مارکیٹ کے نرخوں سے ہے، اگر روپیہ ڈی ویلو ہوگا اور عالمی منڈی میں اضافہ ہوتا ہے تو قدرتی طور پر ہمیں بھی تیل مہنگا کرنا پڑتا ہے۔
وفاقی وزیر منصوبہ بندی احسن اقبال نے مزید کہا کہ ہم اپنی ضرورت کے مطابق تیل امپورٹ کرتے ہیں اس لئے اس پر ہمارا اختیار نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News