بلوچستان میں جعلی اورغیر رجسٹرڈ ادویات کی فروخت میں ملوث عناصر کے خلاف ایف آئی اے کی جانب سے کریک ڈاؤن جاری ہے۔
تفصیلات کے مطابق ترجمان ایف آئی اے نے بتایا کہ ایف آئی اے نے بلوچستان زون کے مختلف علاقوں میں بڑی کارروائیاں کیں۔ بھاری مقدار میں غیر رجسٹرڈ اور جعلی ادویات برآمد کی گئیں۔
ترجمان کے مطابق جعلی ادویات کی فروخت میں ملوث ملزمان کے خلاف 4 انکوائریاں درج کر لی گئی۔ اینٹی کرپشن سرکل کوئٹہ نے ہزارگنجی میں واقع سٹور سے بڑی تعداد میں جعلی ادویات برآمد کر لی۔ چھاپہ مار کارروائی خفیہ اطلاع پر ڈریپ حکام کے ساتھ سے عمل میں لائی گئی۔
ترجمان ایف آئی اے کا کہنا ہے کہ چھاپہ مار ٹیم نے 100 سے زائد اقسام کی غیر رجسٹرڈ اور جعلی ادویات قبضے میں لے لیں۔ برآمد ہونے والی ادویات میں اینٹی بائیوٹک، پین کلر اور جان بچانے والی ادویات بھی شامل ہیں۔ ایف آئی اے چمن نے پاور ہاوس روڈ پر واقع 3 مختلف میڈیکل سٹورز پر چھاپہ مار کارروائیاں کیں۔
ترجمان کے مطابق مذکورہ سٹورز سے مشتبہ ادویات کو قبضے میں لے کر ڈریپ حکام کے حوالے کر دیا گیا۔ ملزمان کے خلاف انکوائری درج کر لی گئی۔ ڈریپ حکام کی رپورٹ کی روشنی میں مزید قانونی کارروائی عمل میں لائی جائے گی۔
ایف آئے کے ترجمان کے بیان کے مطابق گزشتہ 2 ہفتوں کے دوران ایف آئی اے بلوچستان زون نے جعلی ادویات کی فروخت میں ملوث عناصر کے خلاف 33 چھاپہ مار کارروائیاں کیں۔ چھاپہ مار کارروائیوں میں 21 انکوائریاں درج کر لی گئی۔ چھاپوں کے نتیجے میں بھاری تعداد میں جعلی ادویات کو قبضے میں لیا گیا۔ ملزمان کے خلاف مزید کارروائی ڈریپ حکام کی رپورٹ پرعمل میں لائی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News