فلسطین کی صورتحال پر 100صحافیوں کا حکومت پاکستان، وزارت خارجہ اور عالمی اداروں کے نام متفقہ قرارداد کی صورت میں متفقہ کھلا خط لکھا۔

اسلام آباد میں فلسطین فاونڈیشن اور نیشنل ڈیجیٹل جرنلسٹس کلب کے زیر اہتمام فلسطین کانفرنس منعقد کی گئی، فلسطین کانفرنس میں دس نکاتی قراردادیں منظور کی گئیں۔

قرارداد میں غزہ میں جاری 175 دن سے اسرائیلی جارحیت کی پرزور مذمت کی گئی اور کہا گیا کہ یہ کانفرنس اقوام متحدہ سے مطالبہ کرتی ہے کہ وہ سیز فائر کی اپنی قرارداد پر عمل کرائے۔

قرارداد میں کہا گیا کہ حکومت پاکستان اہل غزہ کی سفارتی و اخلاقی و عملی مدد کرے۔

قرارداد میں گریٹر اسرائیل کے ناپاک منصوبے کو ناکام بنانے کے لئے اسلامی مزاحمتی تحریکوں کی تائید کرتے ہیں، اور مسلم ممالک اہل غزہ کے لئے عسکری اتحاد قائم کرنے کا مطالبہ کیا گیا۔

فلسطین کانفرنس جنوبی افریقہ کی عالمی عدالت انصاف میں قرارداد کی تحسین کرتی ہے، عالمی برادری کے ممالک اسرائیل کو اسلحہ فروخت کرنا بند کریں۔

قرارداد میں کہا گیا کہ فلسطین کانفرنس پاکستان میں فلسطین کے حوالے سے ہوئے مظاہروں پر حکومتی تشدد کی مذمت کرتی ہے اور حکومت پاکستان جمعتہ الوداع کو عالمی یوم القدس کے دن کو سرکاری سطح پر منانے کا اعلان کریں۔

قرارداد میں کہا گیا کہ فلسطین کانفرنس اہل غزہ کی استقامت جرات و جوانمردی کو سلام پیش کرتی ہے۔