وزیراعلیٰ سندھ سید مراد علی شاہ نے عالم اسلام کو رمضان المبارک کے بابرکت ماہ کی آمد پر مبارکباد دی۔
ترجمان وزیر اعلیٰ کے مطابق وزیر اعلی سندھ سید مراد علی شاہ نے کہا کہ یہ مقدس مہینہ تمام مسلم امہ کے لیے افضل ترین مہینہ ہے، ماہ رمضان رحمتوں و برکتوں کا مہینہ ہے۔
وزیر اعلیٰ سندھ نے کہا کہ رمضان المبارک ہمیں صبر کی تلقین اور غریبوں کی مدد و احساس کا درس دیتا ہے۔
انہوں نے کہا کہ مملکتِ خداداد ’پاکستان‘ بھی اسی ماہِ عظیم میں وجود میں آیا، ہمیں چاہیے کہ اس ماہِ مبارک میں پاکستان کی ترقی و خوشحالی کی دعائیں کریں، اللہ تعالیٰ ہم سب پر اپنی رحمت فرمائے۔
وزیراعلیٰ سندھ نے قانون نافذ کرنے والے اداروں کو ہدایت کی کہ وہ اس مقدس ماہ میں امن و امان کی فضا کو یقینی بنائیں۔
وزیر اعلیٰ سندھ سید مراد علی شاہ نے مزید کہا کہ عوام کا اعتماد بحال کریں گے اور انہیں آزاد ریاست کے ثمرات سے نوازیں گے، آئیں! ایک دوسرے کا سہارا بنیں اور ملک کو مضبوط بنائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News