روس میں کانسرٹ ہال پر حملے میں ہلاک افراد کی تعداد 93 ہوگئی

Now Reading:

روسی دارالحکومت ماسکو کے ایک کانسرٹ ہال میں حملے میں ہلاک ہونے والوں کی تعداد93 ہوگئی جبکہ 100 سے زائد زخمی ہیں۔

بین الاقوامی خبر رساں ادارے کے مطابق ماسکو میں کانسرٹ ہال پر گزشتہ روز ہونے والے دہشتگرد حملے میں ہلاکتوں کی تعداد 93 ہوگئی۔

حملے میں کم از کم 115 افراد زخمی ہوئے تھے جن میں سے 60 کی حالت تشویشناک بتائی گئی تھی۔

روس کی تحقیقاتی کمیٹی نے اپنے بیان میں ہلاک ہونے والوں کی تعداد میں اضافے کا خدشہ ظاہر کیا تھا۔

مقامی وقت کے مطابق رات 8 بجے کے قریب تین دہشتگردوں نے لوگوں سے بھرے ہوئے کراکس سٹی ہال میں گھس کر اندھا دھند فائرنگ شروع کردی اور بم پھینکے تھے۔

روسی سیکیورٹی ایجنسی نے حملے سے متعلق صدر پیوٹن کو بریفنگ دی ہے جس میں بتایا گیا ہے کہ کانسرٹ ہال میں موجود 11 مشتبہ افراد کو گرفتار کیا گیا ہے۔