پیپلزپارٹی کےسینئررہنما مولابخش چانڈیو نے کہا ہے کہ بانی پی ٹی آئی نے اپنے دورمیں صرف تلخیاں بڑھائیں۔ اختلافات کا مطلب یہ نہیں کہ ساتھ بیٹھ بھی نہیں سکتے۔
بول نیوز کے پروگرام تجزیہ میں گفتگوکرتے ہوئے رہنما پیپلزپارٹی مولابخش چانڈیو نے کہا ہے کہ آصف زرداری کی سیاست ہمیشہ سے مفاہمت کی رہی ہے، آصف زرداری نےہمیشہ صبرکادرس دیاہے، پچھلی حکومتیں خود بھی احتجاجوں میں لگی رہیں۔
مولابخش چانڈیو نے کہا کہ احتجاجوں کےسبب انکی حکومتیں چلی گئیں، فوج ہماری ہے اورہم فوج کے ہیں،قدرتی آفات میں یہ فوج ہی ہمارے کام آئی ہے، صدرمملکت نے سیاسی بحرانوں کوہمیشہ حل کرنے کی بات کی ہے۔
رہنما پی پی نے پروگرام تجزیہ میں گفتگو کرتے ہوئے کہا کہ کئی جماعتی اتحاد کی صورت میں اختلافات ہوتے ہی ہیں، اختلافات کا مطلب یہ نہیں کہ ساتھ بیٹھ بھی نہیں سکتے، بانی پی ٹی آئی نے اپنے دورمیں صرف تلخیاں بڑھائیں۔
مولابخش چانڈیو نے کہا کہ صدرمملکت جیسی برداشت اوربردباری کوئی نہیں دکھاسکتا، قومی ایئرلائن توہماری قومی پہچان ہے، قومی پہچان کوبیچانہیں جاسکتا، ادارے بیچ بیچ کرکب تک ملک چلاسکتے ہیں، اداروں کے بیچنے میں ہمارے تحفظات ہیں۔
انھوں نے کہا کہ ہمارےدورمیں بھی حکومت کےاختتام کےدن دیے جاتے تھے، ملک میں اصولوں کی سیاست بہت کم ہوچکی ہے، صدرمملکت سے امید ہے نظام کودرست سمت میں کردیں گے، مولانافضل الرحمان کا ہمیشہ احترام کیاہے۔
رہنما پی پی نے مزید کہا کہ مولاناکسی ایسے اقدام کاساتھ نہیں دیں گےجس سے جمہوریت کوخطرہ ہو۔ پیپلزپارٹی اپوزیشن میں بھی رہی اورحکومت بھی چلاتی رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News