ایف بی آر نے ملک بھر میں ٹیکس چوروں کے خلاف گھیرا تنگ کرنے کا فیصلہ کر لیا ہے۔
تفصیلات کے مطابق ٹیکس چوری میں ملوث 5 لاکھ سے زائد افراد کی سمیں بلاک کرنے کا فیصلہ کیا گیا ہے جس کی منظوری چیئرمین ایف بی آر کے اعلیٰ سطح کے مشاورتی اجلاس میں دی گئی۔
ذرائع کے مطابق ایف بی آر نے مجموعی طور پر 20 لاکھ ٹیکس چوروں کی نشاندہی کی گئی ہے جبکہ ابتدائی مرحلے میں ٹیکس چوروں کی 5 لاکھ سمیں بلاک کی جائیں گی۔
ایف بی آر کے ذرائع کے مطابق سمز بلاک کرنے کے حوالے سے ایف بی آر نے رولز متعلقہ برانچز کو بھجوا دئیے ہیں۔
ایف بی آر ذرائع کے مطابق نان فائلرز کے بجلی کنکشنزمنقطع کرنے کے بھی اختیارات ہیں۔
ٹیکس چوروں کے خلاف کارروائی کے لیے ملک میں 145 ڈسٹرکٹ ٹیکس آفیسرز کوخصوصی اختیارات دئیے گئے ہیں جو نان فائلرز کے خلاف سیکشن 114 بی کے تحت کارروائی کر سکیں گے۔
ذرائع کے مطابق ٹیکس گوشوارے جمع نہ کرانے والوں کے خلاف بھی کارروائی ہو گی۔
ایف بی آر ذرائر کا کہنا ہے کہ پی ٹی اے کی مشاورت سے 4 لاکھ نان فائلرز کی شناخت کی گئی ہے، جبکہ 1 لاکھ نان فائلرزکی شناخت براڈننگ ٹو ٹیکس بیس سے کی گئی ہے۔
ذرائع کے مطابق ایف بی آراس حوالے سے جلد انکم ٹیکس جنرل آرڈر جاری کرے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News