صرف ایک ماہ کے دوران ہی مریم نواز نے اپنا وعدہ پورا کیا، عظمیٰ بخاری

فاطمہ زہرا

13th Apr, 2024. 07:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صرف ایک ماہ کے دوران ہی مریم نواز نے اپنا وعدہ پورا کیا، عظمیٰ بخاری

لاہور: وزیر اطلاعات پنجاب عظمیٰ بخاری کا کہنا ہے کہ صرف ایک ماہ کے دوران ہی مریم نواز نے اپنے وعدے کے عین مطابق ایئر ایمبولینس کے لیے جہاز خرید لیا۔

وزیر اطلاعات پنجاب عظمیٰ بخاری کہتی ہیں کہ وزیراعلیٰ پنجاب مریم نواز نے اپنی پہلی تقریر میں ایئر ایمبولینس شروع کرنے کا اعلان کیا تھا۔

عظمیٰ بخاری کا کہنا ہے کہ صرف ایک ماہ کے دوران ہی مریم نواز نے اپنے وعدے کے عین مطابق ایئر ایمبولنس کے لیے جہاز خرید لیا۔

انہوں نے کہا کہ مریم نواز پنجاب کی پہلی خاتون وزیراعلیٰ بنی ہیں جنہوں نے اب تک دو درجن سے زائد پروگرام پنجاب میں پہلی بار شروع کیے ہیں۔

وزیر اطلاعات پنجاب نے کہا کہ مریم نواز جو وعدہ کریں گی وہ پورا ہوگا، اب فائل ورک اور کاغذی کاروائیاں نہیں ہوں گی۔ پنجاب حکومت کی کارکردگی سوشل میڈیا پر نہیں گراؤنڈ پر نظر آرہی ہے۔

ان کا کہنا تھا کہ مخالفین مریم نواز سے کارکردگی میں مقابلہ کرنے کی صلاحیت نہیں رکھتے، مسلم لیگ (ن) کی قیادت نے ہمیشہ عوام سے کیے وعدے پورے کیے ہیں۔

عظمیٰ بخاری کا مزید کہنا تھا کہ ایک کروڑ نوکریاں اور 50 لاکھ گھروں کا نعرہ لگانے والوں نے آخر میں قوم کو لنگر خانے اور پناہ گاہیں دی جب کہ مسلم لیگ ن کے پاس ایسے فراڈ پروجیکٹ نہیں۔