عیدالفطرکے تیسرے روز گورنر ہاؤس خیبرپختون خوا فیملیز کیلئے کھول دیا گیا ہے۔
عیدالفطرکے تیسرے روز سیاسی، سماجی، صحافی، سرکاری شخصیات سمیت کثیر تعداد میں فیملیز گورنر ہاؤس آئیں۔ گورنر حاجی غلام علی خود بھی فیملیز کے درمیان موجود رہے۔
گورنرکے پی کے حاجی غلام علی نے گورنر ہاؤس آنیوالے مہمانوں کو خوش آمدید کہا۔ گورنر ہاؤس آنیوالے مہمانوں کا مٹھائی، چائے اور شربت سے تواضع کیا گیا۔
لوگوں نے حقیقی معنوں میں عید کے تینوں دن گورنر ہاؤس کھولنے پر دلی مسرت کا اظہار کیا۔ گورنر ہاؤس عید کے پہلے دو دن ہر خاص و عام جبکہ تیسرے روز فیملیز کے لیے کھولا گیا۔
گورنرخیبرپختون خوا کا کہنا ہے کہ بہت خوشی ہوئی عوام اور فیملی کو گورنر ہاؤس میں دیکھ کر، جب تک گورنر ہوں یہ ہاؤس عوام کا رہے گا۔
حاجی غلام علی کا کہنا تھا کہ گزشتہ سال کیطرح امسال بھی عیدالفطر پر گورنر ہاؤس کو عام عوام کیلئے کھول کر انکی خوشیوں کو دوبالا کیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News