انٹرنیشنل کرکٹ کونسل (آئی سی سی) نے عالمی ریکارڈ یافتہ ایتھلیٹ یوسین بولٹ کو ٹی ٹوئنٹی ورلڈکپ 2024 کا سفیر مقرر کردیا۔
تفصیلات کے مطابق اولمپک گولڈ میڈلسٹ اسپرنٹر یوسین بولٹ کرکٹ ورلڈکپ کی تشہیر میں حصہ لیں گے اور ورلڈ کپ کے تھیم سونگ میں بھی جلوہ گر ہوں گے۔
یوسین بولٹ کا کہنا ہے کہ وہ ورلڈکپ کے دوران ویسٹ انڈیز کی ٹیم کو سپورٹ کریں گے۔وہ ویسٹ انڈیز میں ہونے والے میچز بھی دیکھیں گے۔
خیال رہے کہ رواں سال ہونے والے نویں ٓئی سی سی ٹی ٹوئنٹی ورلڈکپ کی میزبانی ویسٹ انڈیز اور امریکہ کریں گے۔
میگا ایونٹ یکم جون سے 29 جون تک کھیلا جائے گا جس میں ویسٹ انڈیز کے 6 اور امریکہ کے 3 مقامات پر مجموعی طور پر 55 میچز کھیلے جائیں گے۔
ورلڈکپ کا افتتاحی میچ امریکہ اور کینیڈا کے درمیان ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News