بھارت نے ملک کا سب سے مشہور مشروب ’بورن ویٹا‘ کو ہیلتھ ڈرنک کی کیٹیگری سے نکال دیا ہے۔

ڈیری پر مبنی اور مالٹ پر مبنی مشروبات کو بھی ملک میں ‘ہیلتھ ڈرنکس’ قرار نہیں دیا جا سکتا۔

بھارتی حکومت نے تمام کمپنیوں کو ہدایت کی ہے کہ وہ اپنے پورٹل اور پلیٹ فارمز سے بورن ویٹا سمیت تمام مشروبات کو ‘ہیلتھ ڈرنکس’ کے زمرے سے ہٹا دیں۔

واضح رہے کہ مشروب ’بورن ویٹا‘ بھارت میں سب سے زیادہ ایتھلیٹ استعمال کرتے ہیں۔

بھارتی حکومت کا کہنا ہے کہ ڈیری پر مبنی اور مالٹ پر مبنی مشروبات کو بھی ملک میں ‘ہیلتھ ڈرنکس’ قرار نہیں دیا جا سکتا۔

بھارتی میڈیا کے مطابق وزارت تجارت و صنعت نے ایک حالیہ نوٹیفکیشن میں کہا ہے کہ نیشنل کمیشن فار پروٹیکشن آف چائلڈ رائٹس (این سی پی سی آر)، کمیشن آف پروٹیکشن آف چائلڈ رائٹس (سی پی سی آر) ایکٹ 2005 کی دفعہ (3) کے تحت تشکیل دیا گیا قانونی ادارہ ہے۔

ایف ایس ایس اے آئی اور مونڈیلیز انڈیا فوڈ پرائیوٹ لمیٹڈ کی جانب سے پیش کردہ قواعد و ضوابط کے مطابق ایف ایس ایس ایکٹ 2006 کے تحت کوئی ‘ہیلتھ ڈرنک’ بیان نہیں کیا گیا ہے۔

یہ ایڈوائزری این سی پی سی آر کی جانب سے کی گئی تحقیقات کے بعد دی گئی ہے جس میں پایا گیا تھا کہ بورن ویٹا میں شوگر کی سطح قابل قبول حد سے کہیں زیادہ تھی۔