سندھ کے سینئر وزیر شرجیل انعام میمن کی زیر صدارت سندھ ماس ٹرانزٹ اتھارٹی بورڈ کا گیارہواں اجلاس ہوا۔ اجلاس میں دسویں بورڈ اجلاس کے منٹس کی منظوری دے دی گئی۔
اجلاس میں میئر سکھر ارسلان اسلام شیخ، سیکریٹری ٹرانسپورٹ اسد ضامن ، ایم ڈی ایس ایم ٹی اے کمال دایو اور دیگر شریک تھے۔
اجلاس میں کراچی موبلٹی پروجیکٹ یلو لائن بس سروس پر بھی بات چیت کی گئی اور اجلاس میں بس ڈیپوز، پلوں اور انڈر پاسز کی تعمیر پر بھی تبادلہ خیال کیا گیا۔
شرجیل انعام میمن کا کہنا تھا کہ آبادی میں اضافہ ہورہا ہے، سہولیات میں اضافہ ناگزیر ہے، لوگوں کی ضروریات کے مطابق بسز کی تعداد بڑھائی جائے گی۔
شرجیل انعام میمن نے کہا کہ ٹرانسپورٹ منصوبوں کو جلد از جلد تکمیل تک پہنچانا چاہتے ہیں، عوام الناس کو بہترین سفری سہولیات کی فراہمی سندھ حکومت کا عزم ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News