صدر زردای نے کہاکہ مجھے پاکستان کی مسلح افواج، پاک بحریہ اور فضائیہ پر ہمیشہ سے یقین رہا ہے، ہم نے بھارتی جارحیت کا منہ توڑ جواب دیا۔

اپنے بیان  میں انہوں نے کہاکہ ہم نے بھارت کی نام نہاد فوجی قوت کو سخت ٹھیس پہنچائی، یہی عزم ہمارے آباؤ اجداد کے دو قومی نظریہ کو تقویت بخشتا ہے۔

صدر زرداری نے کہاکہ بحیثیت اسلامی ریاست اور اللہ پر ہمارے ایمان نے ہمیں اپنے حجم سے 5 گنا زیادہ ملک کے خلاف کھڑے ہونے کی طاقت اور ہمت عطاکی۔

انہوں نے میں سیزفائر پرآرمی چیف جنرل سید عاصم منیر، ایئر چیف مارشل ظہیر احمد بابر سدھو اور نیول چیف ایڈمرل نوید اشرف اور تمام افواج کو مبارکباد پیش کرتا۔

صدر زرداری نے کہاکہ افواج پاکستان کے جوانوں کی بہادری اور انتھک محنت نے اس جنگ میں ہمیں فتح سے ہمکنار کیا۔

انہوں نے کہاکہ قوم کو خوشی منانی چاہیے اورشہادت پانے والوں کے لیے دعا بھی کرنی چاہیے۔

تنازع کشمیر سلامتی کونسل کی قراردادوں کے مطابق حل ہوناچاہیے

صدر زرداری نے کہاکہ  جنوبی ایشیا میں پائیدار امن کا قیام تنازع جموں و کشمیر کے اقوامِ متحدہ کی سلامتی کونسل کی قراردادوں کے مطابق ہی حل ہوسکتاہے۔

انہوں نے کہاکہ دیگر مرکزی مسائل بالخصوص سندھ طاس معاہدہ کے حل میں ہے۔

چین،امریکا،ترکیہ اور سعودی عرب کے مشکور ہیں

ان کا کہناتھاکہ میں ان تمام دوست ممالک بشمول چین، امریکہ، ترکیہ، سعودی عرب اور ایران کا شکریہ ادا کرتا ہوں جو اس مُشکل گھڑی میں ہمارے ساتھ کھڑے ہوئے۔

صدر زرداری نے کہاکہ  پاکستان اشتعال انگیزی نہیں چاہتا، امن کا خواہاں ہے،ہم اپنی خودمختاری پر کبھی سمجھوتہ نہیں کریں گے۔