ہیش موو اور پاک گروپ آف کمپنیز نے جیا بگہ ڈرائی پورٹ کی ریل کارگو بکنگ اور ڈرائی پورٹ سروسز کو ڈیجیٹلائز کرنے کے لیے مل کر کام کرنے کا فیصلہ کیا ہے۔

کمپنی کی جانب سے جاری بیان میں مزید کہا گیا ہے کہ ہیش موو مشرق وسطیٰ، افریقہ اور پاکستان (ایم ای اے پی)  خطے میں بزنس ٹو بزنس(بی ٹو بی) لاجسٹک پلیٹ فارم ہے، جب کہ پاک گروپ آف کمپنیز پاکستان میں لاجسٹک گروپس میں سے ایک ہے۔

اس موقع پرپیر12 ستمبرکوپرل کانٹینٹل ہوٹل، لاہورمیں ایک افتتاحی تقریب کا انعقاد کیا گیا۔

تجربہ کارلاجسٹک ماہرین، کمپنی کے سربراہان اورممتاز سیاسی قیادت نے اس تقریب میں شرکت کی۔ چیف ایگزیکٹو آفیسراورہیش موو کے شریک بانی سرفرازعالم نےاس موقع پرکلیدی خطاب کیا۔

جیا بگہ بندرگاہ ڈرائی پورٹ مقامی اور بین الاقوامی طور پر صارفین کو اپنے بانڈڈ یا نان بانڈڈ کارگو کو منتقل کرنے کی اجازت دیتی ہے۔ نیشنل لاجسٹکس سیل (این ایل سی) کے منظور شدہ گودام ڈرائی پورٹ کے اندر موجود ہیں، جوپنجاب کے اس اہم تجارتی مرکزکی حیثیت کو سپورٹ کرتے ہیں۔

اس کے علاوہ اسٹریٹجک محل وقوع اورسڑک کی وسیع سہولیات اسے تمام کارگو اقسام کے لیے ایک مثالی تقسیم کا مرکز بناتی ہیں۔

ہیش مو ریل کارگو میں ڈیجیٹلائزیشن، اورآخری صارف کے لیے حقیقی قدر پیدا کر کے اینڈ ٹو اینڈ لاجسٹکس انڈسٹری کو تبدیل کر رہا ہے، جو پاکستان کے مستقبل کے لیے ایک بہت بڑا اقدام ہے۔

پاک گروپ آف کمپنیز قابل اوراپنی مرضی کے مطابق شپنگ سروسز، ریل کارگو سروسز، ڈرائی پورٹ سروسز، روڈ فریٹ، گودام کی مکمل رینج لانے میں مہارت رکھتا ہے۔

ہیش مو دبئی میں قائم ایک ٹیکنالوجی کمپنی ہے جس نے ایک اسمارٹ لاجسٹکس منڈی متعارف کرائی ہے جو شپرزاورلاجسٹکس فراہم کنندگان کو منسلک کرتا ہے تاکہ عالمی، ملٹی موڈل، اینڈ ٹواینڈ لاجسٹکس لین دین میں بغیر کسی رکاوٹ کے سامان کی ترسیل کو آسان بنا سکے۔

ہیش مو لاجسٹکس مارکیٹ صارفین کو شپمنٹ تلاش کرنے، بک کرنے، قیمتیں اور پیشکشیں دیکھنے، متعدد لاجسٹکس فراہم کنندگان میں ریئل ٹائم میں سامان کی نگرانی اور ٹریک کرنے کی اجازت دیتی ہے۔