لاپتہ افراد کے معاملے کو منطقی انجام تک پہنچانا چاہتے ہیں، ڈی جی آئی ایس پی آر

سید قاسم رضا

05th Jul, 2019. 02:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاپتہ افراد کے معاملے کو منطقی انجام تک پہنچانا چاہتے ہیں، ڈی جی آئی ایس پی آر

ڈائریکٹر جنرل آئی ایس پی آر میجر جنرل آصف غفور کا کہنا ہے کہ ہم لاپتہ افراد کے معاملے کو منطقی انجام تک پہنچانا چاہتے ہیں۔

پاک فوج کے شعبہ تعلقات عامہ(آئی ایس پی آر) کے مطابق ترجمان پاک فوج میجر جنرل آصف غفورسے چیئرپرسن ڈیفنس آف ہیومن رائٹس آمنہ جنجوعہ نے ملاقات کی۔

ملاقات میں لاپتہ افراد کے معاملے پر تبادلہ خیال کیا گیا۔

میجر جنرل آصف غفور کا کہنا تھا کہ آرمی چیف نے لاپتہ افراد کا سراغ لگانے کیلئے جی ایچ کیو میں خصوصی سیل قائم کیا ہے جبکہ لاپتہ افراد کے معاملے پر کمیشن قائم کیا گیا ہے۔

انہوں نے مزید کہا کہ ہر لاپتہ شخص کا الزام ریاست پہ لگا دینا درست نہیں ، بہت سے لاپتہ افراد افغانستان میں تحریک طالبان پاکستان کا حصہ ہیں یا پھر ان کے لیے لڑتے ہوئے مارے جاچکے ہیں ۔

ڈی جی آئی ایس پی آر نے کہا ریاست کے زیر حراست افراد کو قانون کے مطابق گرفتارکیاگیا ہے۔

اس موقع پر آمنہ مسعود جنجوعہ نے اس عزم کا اعادہ کیا کہ متاثرہ خاندان ریاست مخالف کسی سرگرمی میں حصہ نہیں لیں گے۔