منصوبہ بندی وترقی کے وزیر خسرو بختیار نے کہا ہے کہ حکومت ملک کی معیشت کے استحکام کیلئے مربوط اقدامات کررہی ہے ۔
اسلام آباد میں پاکستان اور امریکہ کے فارغ التحصیل طلباء کی کانفرنس سے خطاب کرتے ہوئے خسرو بختیار نے کہاکہ انسانی وسائل کی ترقی پر خصوصی توجہ مرکوز کی جارہی ہے جبکہ ملک میں پائیدار ترقی یقینی بنانے کے لیےڈھانچہ جاتی اصلاحات ناگزیر ہیں۔
وفاقی وزیر نے کہاکہ گزشتہ حکومتیں بنیادی اصلاحات متعارف کرانے میں ہمیشہ ہچکچاہٹ کا شکار رہیں کیونکہ یہ ایک مشکل کام ہے ۔
خسرو بختیار نے کہاکہ پاکستان اپنے جغرافیائی محل وقوع اور ساحلی پٹی کے باعث تیزی سے ترقی کرنے کی بھرپور صلاحیت رکھتا ہے ۔
وفاقی وزیر نے کہاکہ وزیراعظم عمران خان آئندہ ماہ امریکہ کا دورہ کررہے ہیں ۔انہوں نے امیدظاہر کی کہ یہ دورہ دوطرفہ تعلقات کی تجدید نو میں ایک نیا مرحلہ ثابت ہوگا۔
فارغ التحصیل طلباء کی کانفرنس کا خیرمقدم کرتے ہوئے وفاقی وزیرنے کہاکہ ایسی کانفرنسیں ایک دوسرے ملک کی ثقافت سمجھنے میں انتہائی مفید ثابت ہوتی ہیں ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News