پاکستان کے باشعورعوام نے اپنے ووٹ سے نئی تاریخ رقم کی، عثمان بزدار

شبین رضا

25th Jul, 2019. 07:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کے باشعورعوام نے اپنے ووٹ سے نئی تاریخ رقم کی، عثمان بزدار

وزیراعلیٰ پنجاب سردارعثمان بزدار کا کہنا ہے کہ 25جولائی 2018ء کو پاکستان کے سیاسی منظرنامے میں خوشگوار نئی تبدیلی کی لہر آئی۔

عثمان بزدار نے یو م تشکر منانے کے دن کے حوالے سے مزید کہا کہ پاکستان کے باشعور عوام نے اپنے ووٹ سے نئی تاریخ رقم کی، عوام نے ووٹ کی طاقت سے کرپشن کے بتوں کو پاش پاش کیا۔

ان کا کہنا ہے کہ اپوزیشن جماعتیں آج حکومت کے خلاف نہیں بلکہ اپنے سیاہ اعمال پر یوم سیاہ منا رہی ہیں، نام نہاد یوم سیاہ منانے والے عناصر نے ملک کا مستقبل سیاہ کیا، کرپشن کی سیاہی کے پیچھے چھپے چہرے بے نقاب ہو چکے ہیں۔

انھوں نے کہا کہ اپوزیشن سیاستدان عوام میں اپنی رہی سہی ساکھ بھی گنوا بیٹھے ہیں، مخالفین ذہین نشین کر لیں کہ عوام نے انہیں 25جولائی2018کو بھی رد کیا اور آئندہ بھی کریں گے۔

وزیراعلی پنجا ب کا مزید کہنا ہے مسترد شدہ عناصر کو صرف لوٹی ہوئی دولت بچانے کی فکر ہے، اپوزیشن کا واویلا چور مچائے شور کے مترادف ہے، اللہ تعالی کے فضل وکرم سے 25 جولائی 2018 کو عوام کی جانب سے ملنے والے مینڈیٹ کی لاج رکھی ہے ،پاکستان کے عوام با شعور ہیں،اپوزیشن کے جھانسے میں نہیں آئیں گے۔