وزیر اعظم کی چیئرمین سینیٹ کو کامیابی پر مبارکباد

عمر اللہ حسینی

02nd Aug, 2019. 06:24 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم کی چیئرمین سینیٹ کو کامیابی پر مبارکباد

وزیراعظم عمران خان نے سینیٹ میں چیئرمین سینیٹ کے خلاف تحریک عدم اعتماد کی ناکامی پرصادق سنجرانی کو مبارکباد دی ہے۔
تفصیلات کے مطابق چیئرمین سینیٹ کیخلاف تحریک عدم اعتماد 45 کے مقابلے میں 50 ووٹوں سے ناکام ہوگئی تھی۔
صادق سنجرانی کی جیت پر وزیر اعظم عمران خان نے انہیں مبارکباد پیش کی ہے۔
اس سے قبل تحریک عدم اعتماد کی ناکامی کے بعد صادق سنجرانی نے کہا کہ کسی کی ہار جیت نہیں ہوئی ہے، ہم سب فیڈریشن چاہتے ہیں۔
میڈیا سے غیر رسمی گفتگو میں صادق سنجرانی نے کہا کہ تحریک کی ناکامی کسی کی ہار یا جیت نہیں، ہم سب فیڈریشن چاہتے ہیں۔

صادق سنجرانی نے مزید کہا کہ سب نے مہربانی کی جنہوں نے مجھے ایوان چلانے کےلیے بہترسمجھا۔ قوانین کے مطابق ہاؤس چلایا، کوئی زیادتی نہیں کی۔
واضح رہے کہ قرارداد پیش کئے جانے کے بعد 64 ارکان نے کھڑے ہو کر حمایت کی لیکن خفیہ ووٹنگ میں صرف 50 ووٹ ڈالے گئے۔
سینیٹ کی تاریخ میں پہلی بار چیئرمین سینیٹ صادق سنجرانی اور ڈپٹی چیئرمین سینیٹ سلیم مانڈوی والا کو عہدے سے ہٹانے کیلئے اپوزیشن اتحاد اور حکومت اور ان کے اتحادیوں کی قراردادوں پر رائے شماری ہوئی ۔
سینیٹ کا خصوصی اجلاس پریزائیڈنگ افسر بیرسٹرسیف کی زیر صدارت ہوا ۔
اپوزیشن نے صادق سنجرانی کی جگہ نیشنل پارٹی کے سربراہ میر حاصل بزنجو کو چیئرمین سینیٹ کیلئے نامزد کیا تھا۔