وزیر اعظم عمران خان نے سماجی رابطے کی ویب سائٹ میں اپنے پیغام کے ذریعے دنیا کے ضمیر کو جھنجھوڑتے ہوئے کہا ہے کہ مقبوضہ کشمیر پر دنیا میونخ کی طرح اب محض لا علمی کا بہانہ نہیں کر سکتی۔

وزیر اعظم پاکستان نے کہا کہ مقبوضہ کشمیر میں بھارت عالمی اور انسانی حقوق کی دھجیاں اڑا رہا ہے، دنیا ان بھارتی مظالم پر کیوں خاموش ہے، کیا عالمی برادری میں انسانیت مر چکی ہے، عالمی برادری ایک ارب 30 کروڑ مسلمانوں کو دنیا میں کیا پیغام دے رہی ہے۔

اقوام عالم 1938 میں میونخ کیطرح اب محض لاعلمی کا بہانہ نہیں تراش سکتیں۔ ہندوبالادستی کے نظریے میں گندھی فاشسٹ مودی سرکار کے مقبوضہ جموں و کشمیر، خود بھارت (آسام وغیرہ) اور آزاد جموں و کشمیر میں مسلمانوں کے قتل عام اور نسل کشی کے مکروہ عزائم پوری دنیا پر آشکار ہو چکے ہیں۔

— Imran Khan (@ImranKhanPTI) September 5, 2019

انھوں نے کہا کہ دنیا اب محض لا علمی کا بہانہ نہیں کر سکتی جیسا کہ 1938 میں میونخ میں ہوا، مودی حکومت مقبوضہ کشمیر میں مسلمانوں کی نسل کشی کر رہی ہے، آج مودی کی بھارتی فورسز کا مقبوضہ کشمیر پر قبضے کا 32 واں دن ہے۔

دوسری جانب معاون خصوصی ڈاکٹر فردوس عاشق اعوان کا کہنا ہے کہ یوم دفاع کو مظلوم کشمیریوں کے ساتھ اظہار یکجہتی کے طور پر منایا جائے گا۔

سماجی رابطے کی ویب سائٹ ٹوئٹر پر اپنے پیغام میں معاون خصوصی ڈاکٹر فردوس عاشق اعوان نے یوم دفاع کے متعلق کہا کہ یوم دفاع کے دن تمام وفاقی و صوبائی وزراء، وزراۓ اعلی، گورنر صاحبان قومی اور صوبائی اسمبلیوں کے اراکین شہدا کے گھر جائیں گے۔

"آئیں شہید کے گھر چلیں"کے قومی فریضے کو عمران خان خود آگے لے کر بڑھیں گے۔جمعۃ المبارک کے اجتماعات پر ملک کی سلامتی،شہداء کے درجات کی بلندی اور کشمیریوں کی جدوجہد آزادی کی کامیابی کے لئے خصوصی دعائیں کی جائیں گی۔

Advertisement

— Dr. Firdous Ashiq Awan (@Dr_FirdousPTI) September 5, 2019

انکا مزید کہنا تھا کہ دھرتی ماں کے دفاع کی خاطر اپنی جانوں کا نذرانہ پیش کرنے والے عظیم سپوتوں کی قربانیوں کو خراج عقیدت پیش کریں گے اور “آئیں شہید کے گھر چلیں”کے قومی فریضے کو عمران خان خود آگے لے کر بڑھیں گے۔

ڈاکٹر فردوس عاشق اعوان کا کہنا تھا کہ جمعۃ المبارک کے اجتماعات پر ملک کی سلامتی،شہداء کے درجات کی بلندی اور کشمیریوں کی جدوجہد آزادی کی کامیابی کے لئے خصوصی دعائیں کی جائیں گی۔