وزیر خارجہ مخدوم شاہ محمود قریشی کی ، اقوام متحدہ جنرل اسمبلی کے چوہترویں اجلاس کے موقع پر قازقستان کے وزیر خارجہ مختار تلو بردی سے ملاقات ہوئی ہے۔
تفصیلات کے مطابق مقبوضہ جموں و کشمیر میں جاری انسانی حقوق کی سنگین خلاف ورزیوں سمیت خطے میں امن و امان کی ناگفتہ صورتحال پر تبادلہ خیال کیا گیا جبکہ دوسری جانب دونوں وزرائے خارجہ کا خطے میں امن و استحکام کیلئے مشترکہ کوششیں جاری رکھنے پر اتفاق بھی ہوا ہے۔
وزیر خارجہ مخدوم شاہ محمود قریشی نے کہا کہ پاکستان، قازقستان کے ساتھ اپنے دو طرفہ تعلقات کو خصوصی اہمیت دیتا ہے کیونکہ 1991 میں پاکستان نے قازقستان کو سب سے پہلے بین الاقوامی سطح پر بطور آزاد ریاست تسلیم کیا۔
شاہ محمود قریشی نے کہا کہ بھارت نے پانچ اگست کو یکطرفہ کارروائی کرتے ہوئے مقبوضہ جموں و کشمیر کی خصوصی آئینی حیثیت کو ختم کردیا ہے اور بتایا کہ ہندوستان، جبی طور پر مقبوضہ جموں و کشمیر میں آبادیاتی تناسب کو تبدیل کرنا چاہتا ہے اس مقصد کے حصول کیلئے گذشتہ اکیاون روز سے نہتے کشمیریوں کو کرفیو کی آڑ میں بدترین تشدد کا نشانہ بنایا جا رہا ہے۔
انہوں نے مزید کہا کہ مقبوضہ جموں و کشمیر میں مسلسل کرفیو کے باعث لوگوں کو ہسپتالوں تک رسائی، خوراک اور ادویات کے حصول میں شدید مشکلات پیش آ رہی ہیں۔
وزیر خارجہ کا کہنا تھا کہ صورتحال اس بات کی متقاضی ہے کہ عالمی برادری، مقبوضہ جموں و کشمیر کے اسی لاکھ مظلوم انسانوں کو بھارتی استبداد سے نجات دلانے کے لیے اپنا موثر کردار ادا کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News